Last Updated: 1 decade 4 year ago
ބުލޮގު ޚުލާސާ
ކްރިމިނަލް ކޯޓުގެ އިސް ގާޒީ އަބްދުﷲ މުހައްމަދު ނިޒާމުގެ ތެރެއިން ގެއްލުވާލި މައްސަލައާ ގުޅިގެން އިދިކޮޅު ޕާޓީތަކުން ބާއްވަމުން އަންނަ މުޒާހަރާ، 10 ވަނަ ރޭ ބެއްވި އިރު ވެސް މުޒާހަރާގެ ބައިވެރިންގެ ހިއްވަރަށް ބަލިކަމެއް ނާދެ އެވެ.
ގާނޫނު އަސާސީ ހިމާޔަތްކޮށް ރައްޔިތުން ހިމާޔަތް ކުރުމަށް ރައެޓް ފުލުހުންގެ ފައުޖުން ދާދި ދެންމެއަކު ހަރު އަޑުން އަހުދުވެއްޖެ.
ދިގު އެ އަހުދަކީ ފުލުހުންގެ އަަޒުމް. ރައެޓް ފުލުހުން ފޯލް ބެކް ކުރާއިރު ފުލުހުންގެ އަޒުމް އާންމުކޮށްވެސް ކިޔާ ކަމައްވޭ
ކުރީގެ ލޯކަލް މާރުކޭޓް ސަރަހައްދުގައި ތިބި މުޒާހަރާގެ ބައިވެރިން ފުލުހުން ހާވިޔާ ކޮށްލައިފި. މިހާރު އެ ސަރަހައްދުގައި އުޅެނީ މަދުބަޔެއް. އެ ސަރަހައްދު މިހާރު ވަނީ އާންމު ހާލަތަކަށް އައިސްފައި.
މުޒާހަރާ ހޫނުވީ ސިފައިން މުޒާހަރާގެ ތެރެއަށް ވަނުމުން ކަމަށް މަހުލޫފް ވިދާޅުވެއްޖެ. އެސްއެމްއަކުން އޭނާ ވިދާޅުވީ ސިފައިން މީހުން ހައްޔަރުކުރީ އަނިޔާވެރި ގޮތަކަށް ކަމަށް.
ސުލްހަ ވެރިކޮށް މުޒާހަރާ ކުރަމުން ދިޔަ ބައެެއްގެ ތެރެއަށް ސިފައިން ވަދެ ވަރަށް އަނިޔާވެރިކޮށް މީހުން ހައްޔަރުކޮށްފައިވާތީ އެކަން އެންމެ ހަރުކަށި އިބާރާތުން ކުއްވެރިކުރަން
ސިފައިން މީހުން ހައްޔަރުކޮށްގެން ނައްޓާލައިފި. މުޒާހަރާގެ ބައިވެރިން ފުދޭވަރަކަށް ލޯކަލް މާރުކޭޓް ސަރަހައްދުގައި ބޮޑިވެގެން އެބަތިބި. މިހާރު އެ ސަރަހައްދުގައި ހަރަކާތްތެރިވަނީ ފުލުހުން އެކަނި.
ސިފައިން މީހުން ހައްޔަރުކުރުމުން މުޒާހަރާގެ ބައިވެރިން ލޭމައްޗަށް ގޮސް ގާފަދަ ތަކެތި ފުލުހުންނާއި ދިމާލަށް އުކަންފަށައިފި. ފުލުހުން ދަނީ ޖުމްހޫރީ މައިދާނުގައި ތިބެގެން އިތުރަށް ތައްޔާރުވަމުން. މުޒާހަރާގެ ބައިވެރިން ތިބީ ލޯކަލް މާރުކޭޓާ ދިމާލުގައި.
މުޒާހަރާގެ ބައިވެރިން ބޮޑަތި ގައުވެސް އެބައުކާ. ކުރުބާތައްވެސް އުކަނީ. މުޒާހަރާ ވަނީ ހޫނުވެފައި. މީހުން ހޫނުވީ ސިފައިން އައިސް މީހުން ހައްޔަރުކުރަން ފެށުމުން
މަދާމާރޭވެސް 8:45 ގައި އެމްއެމްއޭ ސަރަަހައްދުން މުޒާހަރާ ފަށާނެ ކަމަށް އުމަރު ދިޓީވީގައި ވިދާޅުވެއްޖެ.
ފުލުހުންގެ ޝީލްޑް ތަކުން ބިންމަތީގައި ޖަހައި މުޒާހަރާ ކުރާމީހުން މަސްމާރުކޭޓާ ހިސާބަށް ފަހަތަށް ޖައްސައިފި. މުޒާހަރާގެ ބައިވެރިން ބައެއް އެއްޗެހި ފުލުހުންނާއި ދިމާލަށް އުކަންފަށައިފި.
މި ސަރަހައްދުގައި ތިބުމަކީ މަނާކަމެއް. މި ސަރަހައްދު ދޫކޮށް އެންމެހާ ބޭފުޅުން ވަޑައިގަތުމަށް ދަންނަވަން.
މުޒާހަރާގެ ބައިވެރިން އެހެން ދިމާލަކަށް ނައްޓާލައިފި. ނަމަވެސް އެމީހުން ދާ ދިމާލެއް ނުބުނޭ.
އަނެއްކާވެސް އަހަންމައިދީ ވާހަކަދައްކަވަން ފައްޓަވައިފި. މުޒާހަރާގައި މާބޮޑު އިތުރުކަމެއް ނުހިނގާ. މުޒާހަރާގެ ބައިވެރިން އެ ސަރަހައްދުގައި މަޑުމައިތިރިކޮށް ތިބީ.
އެމްޑީޕީން ހަރުގޭގައި ބާއްވާ "ތިޔަހެނެއް ނުކިޔޭނެ" ބައްދަލުވުން މިރެ އަށް ނިންމާލައިފި އެވެ.
މަދަނީ އިއްތިހާދުގެ ނައިބު ރައީސް މުހަންމައިދީ ވާހަކަދައްކަވަން ފައްޓަވައިފި. މި ސަރުކާރުން ފޮރުވިފައިވާ އެތައް ކަމެއް ކުރާކަމަށް ވިދާޅުވި. އޭނާގެ ވާހަކަ ބޮޑަށް އަމާޒުކުރަނީ އިސްލާމްދީނާ ދެކޮޅަށް ބޭރުގެ ފަރާތްތަކުން ކުރާ އެކި މަސައްކަތްތައްކަށް. މިސަރުކާރަކީވެސް ލާދީނީ ސަރުކާރެއް ކަމަށް ބުނާ ބުނުން ތަކުރާރު ކުރެއްވި. އަބްދުﷲ ގާޒީ ހައްޔަރުކުރުމުން ގާޒީން ވަނީ އިންސާފުވެރި ގޮތަށް ހުކުމް އިއްވުމަށް ފަސްޖެހިފައި. އެހެންވެ އަބްދުﷲ ގާޒީގެ ހައްޔަރުކުރި އެންމެންނަށް ޝަރީއަތް ކުރުމަށް ގޮވާލެއްވި.
ފޮތިފޮއްޗަށް ކޮށާލިޔަސް ފަހަތަކަށް ނުޖެހޭނަން. މިއީ ގައުމަށްޓަކައި ދީނަށްޓަކައި ކުރާ މަސައްކަތެއް. ބަޑި ޖެހިޔަސް މުގުރުން ޖެހިޔަސް ފަހަތަކަށް ނުޖެހޭނަން.
ޖޫޑީޝަލް ސާވިސް ކޮމިޝަނުގައި ތިއްބެވި މެންބަރުންގެ ތެރެއިން އެމްޑީޕީ އަށް ވަކި ކުރެވޭނެ ކޮންމެ މެންބަރަކު ވަކިކުރާނެ ކަމަށް އަބްދުﷲ އަބްދުއްރަހީމް ވިދާޅުވި. އަދި އަންނަ ރިޔާސީ އިންތިހާބު ބޮޑު އަޣުލަބިއްޔަތަކުން އިރާދަ ކުރެއްވިއްޔާ ކާމިޔާބު ކުރާނެ ކަަމަށް ވެސް ވިދާޅުވި.
ފުލުހުންގެ ބެރެކޭޑްގެ އެތެރެއަށް ނުވަނުމަށް މުޒާހަރާގެ ބައިވެރިންނަށް ފުލުހުން އިންޒާރު ދީފި އެވެ.
ސަންދާނު އަހަންމައިދީ ވާހަކަދައްކަވަން ފައްޓަވައިފި. ގާނޫނު އަސާސީ ހެދުމަށް ޖާނާ މާލުން ގުރުބާންވީން. އެކަމަކު މިއަދު ފުލުހުން އަމަލުކުރަމުންދާ ގޮތުން އިންސާފު ލިބޭނެ ކަމުގެ ޔަގީންކަމެއް ނެތްކަމަށް ވިދާޅުވި. އޭނާ މިރޭވެސް ވަނީ މި ސަރުކާރުގެ ކުރާ ކަންތައްތަކަށް ވަރަށް ބޮޑަށް ފާޑު ވިދާޅުވެފައި. އޭނާ މޭމަތީގައި ގަލަކުން ޖެހިފައިވާކަމަށް ވިދާޅުވި. ނަމަވެސް އޭނާގެ މަސައްކަތް ނުހުއްޓާ ކުރިއަށްގެންދާނެ ކަމަށް ވިދާޅުވި.
އަޅުގަނޑު ގައިގާ އަލިފާ ޖައްސައިގެން ހުށަހެޅި މައްސަލަ ފުލުހުން ބަލައެއް ނުދިން. އެހެންވެ ފަސީހު ވަނީ ފުލުހުންގެ އިދާރާގެ ހުރުމަތް ކަޑާފައި
ގަލޮޅު ދެކުނު ދާއިރާގެ މެންބަރު މަހްލޫފް ވާހަކަދައްކަވަން ފައްޓަވައިފި. އެހެން ރޭ ރެއެކޭވެސް އެއްގޮތަށް މުޒާހަރާގެ ބައިވެރިން ދަނީ ސަރުކާރުގެ އިސްތިއުާފައަށް ގޮވައި އަބްދުﷲ ގާޒީ ދޫކޮށްލުމަށް ގޮވާލަމުން. މާބޮޑު އިތުރު ކަމެއް ނުހިނގާ.
އޭދަފުށީ ދާއިރާގެ މެންބަރު ސަލީމް ވާހަކަދައްކަވަން ފައްޓަވައިފި. އޭނާގެ ވާހަކަ ޖޯސްގައި ކުރިއަށް ގެންދަވާއިރު ފުލުހުން އެއްވެސް ގައިރު ގާނޫނީ އަމުރަކަށް ތަބާނުވުމަށް އޭނާ ފުލުހުންނަށް ދަނީ ގޮވާ ލައްވަމުން.
އުމަރު ވާހަކަދައްކަވަން ފައްޓަވައިފި. އަބްދުﷲ ގާޒީ "ކިޑް ނެޕް" ކުރުމުގައި ސިފައިން އަމަލުކޮށްފައިވަނީ ގާނޫނަށް ހިލާފަށް ކަމަށް ވިދާޅުވެ ވާހަކަދައްކަވަމުން އުމަރު ނަސީރު ވަނީ ޖީފް އޮފް ޑިފެންސް މޫސާ އަލީ ޖަލީލަށް ހުކުމެއް އައުމަކީ ވަރަށް ގާތްކަމެއް ކަމަށް ވިދާޅުވެފައި. އެއްވެސް ފުލުހަކު އަދި ސިފައިންގެ މީހަކު ގައިރު ގާނޫނީ އެއްވެސް އަމުރަކަށް ތަބައެއް ނުވުމަށް ގޮވާލެއްވި. މި ސަރުކާރަށް އޭނާ ބިރުގަންނަ އެއްވެސް ކަމެއް ނުކުރެވޭނެ ކަމަށް ވިދާޅުވި. އޭނާ މާދަމާ ފުލުސް އޮފީހައްވެސް ހާޒިރުވާނެ ކަމަށާއި ރަނގަޅީ ގިނަ ދުވަހު އޭނާ ހައްޔަރުގައި ބެހެއްޓިއްޔާ ކަމަށް ސަރުކާރަށް ގޮވާލެއްވި.
އެންމެން ހައްޔަރުކުރޭ. އަބްދުﷲ ގާޒީވެސް ހައްޔަރުކުރޭ. މާޒް ސަމީލްވެސް ހައްޔަރުކުރޭ އުމަރުވެސް ހައްޔަރުކުރޭ. އޭރުން މި ސަރުކާރުގެ ސޯޓް ބޭލެމުންދާނީ އިންޗިއަކުން އިންޗިއަކުން
އަބްދުﷲ ގާޒީ ދޫކޮށްލައި ގާނޫނުގެ ތެރެއަށް ވަނުމަށް ގާސިމު ގޮވާލެއްވި. އަދި ވިދާޅުވީ ބިރު ދެއްކުމުގެ ގޮތުން ކިތަންމެ އެސްއެމްއެސްތަކެއް ފޮނުވިއަސް، އަދި ކިތަންމެ ފޮޓޯއެއްް ހިއްޕިއަސް ހައްގުގެ މަގުގައި ކުރާ މަސައްކަތް ހުއްޓަވާ ނުލައްވަވާނެ ކަމަށް. އޭނާ ޗީފް އޮފް ސްޓާފަށާއި އަދި އޮފިސަރުންނަށް ގޮވާލެއްވީ ގާނޫނާ އެެއްގޮތަށް މަސައްކަތް ކުރުމަށް.
ޖުމްހޫރީ ޕާޓީގެ ލީޑަރު ގާސިމް އިބްރާހީމް ވާހަކަ ދައްކަވަން ފައްޓަވައިފި. ޖާނާއި މާލުން ގުރުބާންކޮށްގެން ނަމަވެސް ސަރުކާރުން ގާނޫނާ ހިލާފަށް ހިންގާ ކަންކަމާ ދެކޮޅަށް ތެދުވާނެ ކަމަށް ވިދާޅުވި.
ކުފުރަކަށް އަމުރު ނުކުރާހާ ހިނދަކު، ވެރިމީހާއާ ދެކޮޅަށް ނުކުތުމަކީ ހަރާމްކަމެއް. އަދި ބަޣާވާތް ކުރާ މީހުން ޝަރީއަތަށް ހާޒިރު ކުރަން ޖެހޭ ކަަމަށް ވެސް ޝޭހު ފާރޫގު ވިދާޅުވި.
މުސްލިމަކާ ދިމާލަށް ލާދީނީ މީހެކޭ ބުނުމުގެ ހައްގެއް ނޯންނާނެ ކަމަށް އިސްލާމިކް މިނިސްޓްރީގެ ނައިބު މުހައްމަދު ފާރޫގު ވިދާޅުވި.
ތަނުގެ އާންމު މަސްލަހަތު ގެއްލެނީ ކަމަށް ބުނެ އެ ސަރަހައްދު ދޫކޮށް ދިޔުމަށް ފުލުހުން ދޭތެރެ ދޭތެރެ އިން އިންޒާރު ދެމުން އެބަދެ އެވެ. މިހާރު ވާހަކަ ދައްކަވަނީ ވިލުފުށީ ދާއިރާގެ މެންބަރު ރިޔާޒު ރަޝީދެވެ.