03 Dec 2020, 22:41
މާލޭގެ މަގެއްގައި ދުއްވަމުން ދިޔަ ކާރެއްގައި އަލިފާން ރޯވެއްޖެ އެވެ.
މިރޭ 19:10 އެހާކަންހާއިިރު ގައުމީ ޔުނިވާސިޓީގެ ދަނާލު ކައިރިން، ދުއްވާފައި ދަޔަ ކާރެއްގައި އަލިފާން ރޯވެފައިވާ ކަމުގެ ރިޕޯޓު ލިބިފައިވާ ކަމަށް އެމްއެންޑީއެފްއިން ވަނީ ބުނެފަ އެވެ.
އެމްއެންޑީއެފްއިން ބުނީ އެކަމުގެ ރިޕޯޓު ލިބުމުން ފަޔާ އެންޑް ރެސްކިއުއިން ހަރަކާތްތެރިވެ 19:18 އެހާކަންހާއިރު އެ އަލިފާންގަނޑު ނިއްވާލި ކަމަށެވެ.
ހާދިސާގައި ރޯވީ ކާރުގެ އިންޖީނުގަ އެވެ. ބޮޑަށް އަލިފާން ރޯވެ އެނދީވެސް ކާރުގެ ކުރިމަތީ ފަރާތުގަ އެވެ.
ކާރުގައި ރޯވި އަލިފާންގަނޑު ނިއްވާލާފައި -- ފޮޓޯ/ އެމްއެންޑީއެފް
އެ ހާދިސާގައި އެއްވެސް މީހަކަށް ޖިސްމާނީ އަނިޔާއެއް ލިބިފައި ނުވާ ކަމަށް އެމްއެންޑީއެފްއިން ބުންޏެވެ.