23 Nov 2020, 07:00
ސަލްމާން ޚާން ލީޑު ރޯލު ކުޅޭ ފިލްމު ބޮލީވުޑް ފިލްމު "ރާދޭ: ޔުއާ މޯސްޓް ވޯންޓެޑް ބާއީ" އަންނަ އަހަރުގެ ފިތުރު އީދުގައި އަޅުވާ ގޮތަށް ނިންމައިފިއެވެ.
މި ފިލްމު އެންމެ ފުރަތަމަ ރިލީޒްކުރަން ނިންމީ މިއަހަރުގެ ފިތުރު އީދުގައެވެ. ނަމަވެސް ކޮރޯނާ ވައިރަހުގެ ސަބަބުން އިންޑިއާ ލޮކްޑައުންކޮށް ސިނަމާތައް އޭރުބަންެދުކޮށްފައި އޮތުމުގެ ސަބަބުން ފިލްމު އެޅުވޭނެ މަގު ތަނަވަސްނުވީއެވެ.
ބޮލީވުޑްގައި ކުރިއަރަމުން އަންނަ ބަތަލާ ދިޝާ ޕާޓްނީ އަންހެން ލީޑު ރޯލު ކުޅޭ މި ފިލްމަކީ ޕްރަބޫދޭވާ ޑައިރެކްޓްކޮށްފައިވާ ފިލްމެކެވެ. ރާދޭ ފިލްމުގެ ޝޫޓިންމިހާރު ވަނީ އެއްކޮށް ނިންމާލާފައެވެ.
ސަލްމާން އާއި ދިޝާ މީގެ ކުރިން "ބާރަތު"ގައި އެކުގައި ފެނިގެން ދިޔައިރު އެ ދެ ފަންނާނުންނާ އެކު "ރާދޭ"ގައި ދެން ފެންނާނީ ރަންދީފް ހޫޖާ އާއި ޖެކީޝްރޯފް އަދި ގޯވިންދް އެވެ.