20 Nov 2020, 15:26
ސްޓޫޑަންޓް އޮފް ދަ އިޔާ 2 އިން ބޮލީވުޑަށް ނުކުތް ތަރި ތާރާ ސުތައިރާ ރާއްޖޭގައި ޗުއްޓީ ހޭދަކުރަމުން އެބަދެ އެވެ.
ބޮލީވުޑްގައި މިހާރު ކުރިއަރަމުން އަންނަ ތަރި ތާރާ ރާއްޖެ އައިސްފައިވަނީ އޭނާގެ ލޯބިވެރިޔާ އާދަރު ޖެއިން އާއެކުގައެވެ. ދެ މީހުން ރާއްޖެ އައިސް ޗުއްޓީހޭދަކުރަމުންދަނީ ކޮން ރިސޯޓެއްގައި ކަމެއް އެނގިފައެއް ނުވެއެވެ.
ތާރާ އާއި އާދަރު ރާއްޖެ އައިސް ޗުއްޓީ ހޭދަކުރާ ގޮތުގެ ފޮޓޯތަކެއް ވަނީ ދެމީހުންގެ ވެސް އިންސްޓަގްރާމް ސްޓޯރީގައި ހިއްސާކޮށްފައެވެ.
ބަތަލާ ތާރާ ލޯބީގެ ގޮތުން ގުޅިގެން އުޅެނީ ބަތަލާ ކަރީނާ ކަޕޫރާއި އެކްޓަރު ރަންބީރު ކަޕޫރުގެ ދެބެންގެ ދަރި ކޮއްކޮ އަކާއެވެ.
އެންމެ ފަހުން ތާރާ ފެނިގެންދިޔައީ ސިދާތް މަލްހަތްރާ އާއެކު މަރްޖާވާން އިންނެވެ.