Last Updated: 1 decade 4 year ago
ބުލޮގު ޚުލާސާ
13:51 މީޑިއާ ވެސް ފުލުހުންގެ ލައިންގެ ބޭރަށް ނެެރެލައިފި އެވެ. އަދި މުޒާހަރާ ރޫޅާލައިފި އެވެ.
13:48 މުޒާހަރާ ފަށައިފި އެވެ. އަދި ބައެއް މީހުން ހައްޔަރުކޮށްފި އެވެ. ހައްޔަރު ކުރި މީހުންގެ ތެރޭގައި ޝޭހު އިމްރާން އަބްދުﷲ އާއި ގަލޮޅު ދެކުނު ދާއިރާގެ މެންބަރު އަހުމަދު މަހުލޫފާއި މަދަނީ އިއްތިހާދުގެ އަބްދުﷲ މުހައްމަދު ހިމެނެ އެވެ.
30 ވަރަކަށް މީހުން ހައްޔަރުކޮށްގެން ދޫނިދުއަށް ގެންގޮސްފި.
މިރޭ 8:30ގައި ފަށަން މުޒާހަރާ ނިންމާލައިފި. މުޒާހަރާ ނިންމި ކަމަށް އިއުލާން ކުރެއްވީ އިލްހާމް އަހުމަދު
ލައުޑް ސްޕީކަރު ބޭނުންކޮށްގެން މުޒާހަރާ ލީޑް ކުރައްވަނީ ގެމަނަފުށީ ދާއިރާގެ މެންބަރު އިލްހާމް އަހުމަދު. ރަޔަޓްގިޔަރުގައި ތިބި ފުލުހުން ފަތަހަތަށް، އެމްްއެމްއާ ހަމައަށް ފަހަތަށް ޖެހިއްޖެ
ހައްޔަރުކޮށްގެން ދޫނިދޫއަށް ގެންދަން ލޯންޗަށް އެރުވަން ނިންމާފައިވާ މީހުންގެ ތެރޭގައި ގާތްގަނޑަކަށް 30 މީހުން ހިމެނޭ އޭގެތެރޭގައި ޝައިހު އިމްރާނާއި އަބްދުﷲ އާއި ޑރ. މައުރޫފާއި ފުއާދު ގާސިމާއި މާޒް ސަލީމް ހިމެނޭ. މަހުލޫފު ހައްޔަރުކޮށްފައި ވަނީ ވަކިން.
މިހާރު އަޅުގަނޑު ހައްޔަރުކޮށް ދޫނިދޫއަށް ގެންދަނީ. އަޅުގަނޑާއެކު މަދަނީ އިއްތިހާދުގެ އަބްދުﷲ ވެސް ހިމެނޭ،
ފުލުހުން ބުނަނީ އެމްއެންބީސީ މީހުންނަށް ވަކިން ހިމާޔަތް ނުދޭ ކަމަށް. އެ މީހުން އެތާ ތިބީ ނޫސްވެރިންކަން ނޭނގޭތީ ކަމަށް.
މާޒު ސަލީމު ހައްޔަރުކޮށް ލޯންޗަށް އަރުވައިފި. ފުލުސް އޮފީހުގައި، މައްސަލައެއް ހުށަހަޅަން ގޮސް ތިބި ބަޔަކު ރައީސް ނަޝީދުގެ އިސްތިއުފާ އަށާއި އަދި އިސް ގާޒީ އަބްދުﷲ މުހައްމަދު ދޫކޮށްލުމަށް ގަވާލަމުން އެބަދޭ.
ގާތްގަނޑަކަށް ވިއްސަކަށް މީހުން ފުލުހުންގެ ބެލުމުގެ ދަށަށް ގެންގޮސްފައިވޭ. އޭގެ ތެރޭގައި ޕާލަމެންޓް މެންބަރުންނާ ބައެއް ޕާޓީތަކުގެ މީހުން ވެސް ހިމެނޭ. ޖުމްހޫރީ ޕާޓީގެ ސެކްރެޓަރީ ޖެނެރަލް ފުއާދު ގާސިމް ވިދާޅުވަނީ ދޫނިދޫއަށް ގެންދާނަމަ އެންމެން އެއްކޮށް ގެންދިންދުމަށް އެދިފައިވާނެ ކަމަށް
ޖުމްހޫރީ މައިދާނަށް މިއަދު ވަނުމުން ޑރ. މައުރޫފާއި ޝައިހު އިމްރާނާއި ބައެއް އެހެން މީހުން ހައްޔަރުކޮށްގެން މިހާރު ދޫނިދޫއަށް ގެންދން މަސައްކަތް ކުރާ ކަމަށް އަދާލަތު ޕާޓީގެ ނައިބު ރައީސް ޑރ. މައުރޫފު ވިދާޅުވޭ.
އަޅުގަނޑާ ޝައިހު އިމްރާނާއި އަދިވެސް ބައެއް މީހުން ހައްޔަރުކޮށް މިހާރު ދޫނިދޫއަށް ގެންދިއުމަށް ފުލުހުން ވަނީ ތައްޔާރުވެފައި
އެމްއެންބީސީގެ ނޫސްވެރިން ފިޔަވައި ދެން ތިބި ނޫސްވެރިން ފުލުހުންގެ ކޯޑަން އޭރިއާ އިން ބޭރަށް ނެރުމަށް ފަހު އަލުން ވައްދައިފި. އެމްއެންބީސީ އަށް ފުރަތަމަ ވެސް އޮތީ ހިމާޔަތްދީފައި.
މަސްމާރުކޭޓް ސަރަހައްދާ ހަމައިގައި ތިބި ފުލުހުން އެމްޓީސީސީ އިމާރާތާ ހަމައަށް ފަހަތަށް ޖެހިލައިފި. ރޯޑް ބްލޮކްތައް ބަހައްޓާފައި ހުރީ އެ ހިސާބުގައި. ފުލުހުން ތިބީ ރަޔާޓް ގިއަރުގައި.
މުޒާހަރާގެ ބައިވެރިން އެމްއެމްއާ ހަމައަށް ފަހަތަށް ޖައްސައިފި. މުޒާހަރާ ކުރާ މީހުންނާ ދޭތެރޭ ފުލުހުން ކަންތައްތައް ކުރި ގޮތުން ހުކުރަށް ދިޔަ ގިނަ ބަޔަކު ވަނީ މުޒާހަރާއާ ގުޅިފައި.