Last Updated: 1 decade 4 year ago
ބުލޮގު ޚުލާސާ
ގައުމީ ޕާޓީގެ ނައިބް ރައީސް ޑރ. މުހައްމަދު ޖަމީލް އަހުމަދު ފުލުހުން ބަންދު ކޮށްފައިވަނީ ގާނޫނީ އަސާސީއާ ހިލާފަށް ކަމަށް ކަނޑަ އަޅައި އޭނާ ދޫކޮށްލަން ކްރިމިނަލް ކޯޓުން ރޭ އަމުރު ކުރުމުން ދޫކޮށްލާފައި ވަނިކޮށް މިއަދު ފުލުހުން ފޮނުވިޗިޓަށް މިރޭވެސް ޑރ. ޖަމީލު ފުލުހަށް ހާޒިރުވެއްޖެ އެވެ.
މިރޭ އިރާކޮޅުން ފެށިގެން އެމްއެމްއޭ ސަރަހައްދުގައި އިދިކޮޅު ފަރާތްތަކުން ކުރަމުން ދިޔަ މުޒާހަރާ ފުލުހުން ރޫޅައިލުމާއެކު ނިންމާލައިފި އެވެ. މުޒާހަރާ ނިންމާލީ ސަރުކާރާ ދެކޮޅަށް ކުރިޔަށްގެންދާ ހަރަކާތްތައް ހުއްޓާ ނުލުމަށް ހުވާ ކުރުމަށްފަހު އެވެ. އަދި މިރޭ އިއުލާން ކޮށްފައި ވަނީ މާދަމާ ހަވީރު ސިޔާސީ ޕާޓީތަކުގެ ނޫސް ކޮންފަރެންސެއް ބާއްވާނެ ކަމަށެވެ. އަދި ބުނެފައި ވަނީ މާދަމާރޭ ވެސް މުޒާހަރާ އޮންނާނެ ކަމަށާއި މުޒާހަރާގެ ހަރަކާތްތައް އެ ސަރަހައްދުގައި މާދަމާރޭ ފަށާނީ ރޭވުންތެރިކަމާއެކު ވަރުގަދަކޮށް ކަމަށް ވެސް ވަނީ ބުނެފައެވެ.
މުޒާހަރާ ރޫޅިގެންދިޔަ ވަގުތު ޝިލްޑްތައް ހިފައިގެން ފުލުހުން ދުވަމުންދަނީ މީހުންތައް ވަނީ ވިއްސިވިހާލިވެފައި އެކި ދިމަދިމާއިން ރައީސް ނަޝީދުގެ އިސްތިއުފާއަށް ގޮވަނީ އަދި މީހަކު ހައްޔަރެއް ނުކުރޭ.
ނިހާނާއި މަހުލޫފު ފުލުސް އޮފީހަށް ވަޑައިގަންނަވައިފި. އެބޭފުޅުން ވަޑައިގެންނެވީ މައްސަލައެއް ހުށަހަޅުއްވަން. އެެއީ ކޮން މައްސަަލައެއް ކަމެއް ނޭނގޭ. މީހުންތައް އެއްޗެއްހިތައް އުކި ނަމަވެސް މީހުންތައް ފަހަތައް ޖައްސާ މުޒާހަރާ ރޫޅައިލުމަށް މަސައްކަތް ކުރަމުން އެބަދޭ.
މުޒަހަޜާ ހޫނުވެ ފުލުހުން ބަހައްޓާފައި ހުރި ރޮޑު ބްލޮކްތައް ވައްޓާލައިފި. ފެންފުޅިތައްވެސް ފުލުހުންނާ ދިމާއަށް އުކަމުންދަނީ،. ސަރަހައްދު ވަނީ ހޫނުވެފައި މުޒާހަރާގެ ބައިވެރިން މަސައްކަތް ކުރަނީ އެތެރެއަށް ޖެހުމަށް. މުޒާހަރާގެ ބައިވެރިން ބުނަނީ އަބްދުﷲ ގާޒީ ގެ މައްސަލައިގައި ފުލުހުންގެ ލިބައިން ޖަވާބެއް ބޭނުންވާ ކަމަށް އެމީހުން މަސައްކަތް ކުރަނީ ވަދެގަންނަން.
މާދަމާރޭ ބާއްވާ މުޒާހަރާގައި ދިހަ ހާސް މީހުން މުޒާހަރާއަށް ނެރުމަށް އެއްވެ ތިބި މީހުންނަށް ޝެއިޚް އިމްރާން އިލްތިމާސްކޮށްފި. އަދި ކޮންމެ މީހަކު ވެސް 10 މީހުން ގޮވައިގެން މުޒާހަރާގައި ބައިވެރި ވުމަށް ވެސް އިމްރާން ގޮވާލާ.
ފުލުހުންގެ އިސް ވެރިއެއް ކަމަށްވާ ސުޕްރިންޓެންޑެންޓް އޮފް ޕޮލިސް ފައިރޫޒު މަގާމުން މިރޭ އިސްތިއުފާ ދެއްވާފައިވާ ކަމަށް ލޯޔަރު ވައްޑެ ދެންމެ އިއުލާން ކޮށްފި.
އަދާލަތު ޕާޓީގެ އިސްވެރިން ވެސް މުޒާހަރާއާ ގުޅިވަޑައިގެންފި، ޕާޓީގެ ރައީސް އިމްރާން އަބްދުﷲ އާއި އަސަދުﷲ ސާފީވެސް އެބަހުންނެވި އަދި ޑރ. މައުރޫފުވެސް ވަނީ މުޒާހަރާގެތެރެއަށް ވަދެވަޑައިގެންފައި.
ޑީއާރްޕީގެ ލީޑަރު އަހުމަދު ތަސްމީން އަލީ ވެސް މުޒާހަރާއާ ގުޅިވަޑައިގެންފި. އަދި ވާހަކަފުޅެއް ނުދައްކަވާ.
މުޒާހަރާގެ ބައިވެރިން ބޯނެއް ކޮފީ ގިރައިގެން އެ ސަރަހައްދަށް ގެނެސްފި. ވަރަށް ގިނަ ބަޔަކު މިހާރު ކޮފީއަށް އިންސާފުކުރަމުންދަނީ. ފުލުހުންގެ ފައުޖުތައް ވެސް ކައިރީގައި ފާރައަށް އެބަތިބި.
އަބްދުﷲ ގާޒީ މިނިވަން ކުރުމުން ނޫނީ މުޒާހަރާ ހުއްޓާލާފައި ނުދާނެ ކަމަށް މަދަނީ އިއްތިހާދުގެ ނައިބު ރައީސް އަބްދުﷲގެ އަޑު ދަށުން މުޒާހަރާގެ ބައިވެރިން ހުވައެއް ކޮށްފި. އަދި ތަކުބީރުތައް ކިޔުމަށް ފަހު މިވަގުތު ތިބީ އިށީންދެގެން ފުލުހުން ވެސް ކައިރީގައި އެބަތިބި. އެއްވެސް ހަމަނުޖެހުމެއް ނުހިނގާ
ފުލުހުން މުޒާހަރާގެ ކަންތައްތަކުގައި އަމަލު ކުރަމުންދާ ގޮތް ބެލުމަށް ހިއުމަން ރައިޓްސް ކޮމިޝަންގެ އޮބުޒާވަރުން މިވަގުތު ވެސް ހަރަކާތްތެރިވަމުން އެބަދޭ. ބައެއް ބޭފުޅުން ތިއްބެވީ ފުލުސް ކޯޑަންގެ ތެރޭގައި.
މުޒާހަރާތެރެއަށް ކުލަ ހެދުމުގައި ތިބި އެމްއެންޑީއެފްގެ ސިފައިންތަކެއް ވަދެ އުޅޭ ކަމަށް މާޒް ސަލީމް ވިދާޅުވަމުން އެބަގެންދަވާ.
ސިފައިން ހައްޔަރުކޮށްފައިވާ އަބްދުﷲ ގާޒީއާ ބެހޭ ރަސްމީ މައުލޫމާތު ކުޑައިރުކޮޅެއްގެ ތެރޭގައި މީޑިއާއާ ހިއްސާ ކުރައްވާނެ ކަމަށް ގައުމީ ދިފާއީބާރުގެ ސްޕޯކްސް ޕާސަން ކާނަލް އަބްދުއް ރަހީމް ދާދި ދެންމެއަކު ވިދާޅުވެއްޖެ.
ސިފައިން އަބްދުﷲ ގާޒީ ހައްޔަރުކޮށް ބަހައްޓާފައި ވަނީ ކ. ގިރިފުށީގައި ކަމާއި މިރޭ އެމަނިކުފާނުގެ އަންނައުނު ސިފައިން ގެންދިޔަކަން ސަން އޮންލައިންށް ކަށަވަރުވެފައި ވިޔަސް އެމަނިކުފާނުގެ ލޯޔަރު ރިޒާ ވިދާޅުވީ އޭނާއަށް އެއްވެސް ދިމާއަކުން އެއްވެސް ހަބަރެއް ސާފު ނުވާ ކަމަށް.
ކްރިމިނަލް ކޯޓްގެ އިސް ގާޒީ އަބްދުﷲ މުހައްމަދު ހައްޔަރު ކުރުމަށް ފަހު ސިފައިން އެމަނިކުފާނު ގެންގޮސްފައި ވަނީ ގިރިފުއްޓަށް ކަމަށް އާއިލާއަށް އަންވަނީ މިރޭ އަންގާފައި. އެމަނިކުފާނުގެ އަންނައުނު ބަލައި މިރޭ ވަނީ ސިފައިން އަބްދުﷲ ގާޒީ އުޅުއްވާގެ، ލިންކް ހައުސް އަށް ވެސް ގޮސްފައި.
ުމުޒާހަރާގައި އިތުރު ކަމެއް ނުހިނގާ. އެމްއެމްއޭ ބިލްޑިންގު ކައިރިއަށް އެއްވެފައިވާ މީހުން ހަރު އަޑުުން މިހާރު ވެސް ގޮވަމުން ދަނީ ޑރ. ޖަމީލާއި އަބްދުﷲ ގާޒީ ދޫކޮށްލުމަށް.
ދާދިދެންމެއަކު މުޒާހަރާއާ ގުޅި ވަޑައިގެންނެވި ސަންދާން އަހަންމައިދީ މުޒާހަރާގައި ވާހަކަފުޅު ދައްކަވަނީ. އޭނާ ވިދާޅުވީ ރާއްޖޭގައި މިހާރު ގާނޫނު އަސީސީއެއް ނެތް ކަމަށާއި ގާނޫނު އަސާސީ އުވިގެން ގޮސްފައިވާ ކަމަށް.
އަބްދުﷲ ގާޒީގެ ފޯނުގައި މައްސަލަތަކުގައި ހުކުމް ކުރަންވީ ގޮތް ބުނެދީފައިވާ އެސްއެމްއެސްތައް ހުރި ކަމަށް ތިމަަރަފުށީ ދާއިރާގެ މެންބަރު މުހައްމަދު މުސްތޮފާ އެމްޑީޕީގެ ހަރުގޭގައި ދެންމެއަކު ވިދާޅުވެއްޖެ. އަދިވެސް ވާހަކަފުޅު ދައްކަވަނީ މުސްތޮފާ.
ކްރިމިނަލް ކޯޓްގެ އިސް ގާޒީ އަބްދުﷲ މުހައްމަދު ކްރިމިނަލް ކޯޓަށް އަލުން ވަޑައިގެން މައްސަލަތައް ބައްލަވާ ހުކުމްތައް ކުރެއްވުމުގެ ފުރުސަތު ދެން ނުދެއްވާނެ ކަމަށް އެމްޑީޕީ ހަރުގޭގައި މެންބަރު ޝިފާޒު ވިދާޅުވެއްޖެ. އޭނާ ވިދާޅުވީ އެކަން މިހާރު ވަނީ މުޅިން ޔަގީން ވެފައި ކަމަށް.
ޑރ. ޖަމީލު ހައްޔަރު ކުރި މައްސަލަ ކޯޓަށް ހުށަހެޅުމުން މާދަމާ ކޯޓަށް ހާޒިރު ކޮށް ދިނުމަށް ފުލުހުންގެ މައްޗަށް އަމުރެއް ނެރެފި. ޑރ. ޖަމީލް ހާޒިރު ކުރަނީ މާދަމާ 10:00 ޖަހާއިރަށް.
ރޭގެ މުޒާހަރާގައި ފުލުހުން އަމަލު ކުރި ގޮތުން ފުލުހުން ތަކެއް ވަޒީފާއިން ވަކިކޮށްފައިވާ ކަމަށް މުޒާހަރާގައި މާޒް ސަލީމް ބުނަމުން އެބަދޭ. އަދި މަހުލުފު ދެނެމް ވާހަކަފުޅު ދައްކަވަމުން ވިދާޅުވީ ރައީސް ނަޝީދުގެ ސަރުކާރު ނިމުމަކަށް ގެނައުމަށް އެންމެން މުޒާހަރާގައި ބާއިވެރިވުމަށް.
ގަލޮޅު ދެކުނު ދާއިރާގެ މެންބަރު އަހުމަދު މަހުލޫފު މުޒާހަރާއާ ބައިވެރިވެ މުޒާހަރާ ލީޑު ކުރަން ފަށައިފި. އަދިވެސް ފުލުހުން ދަނީ ފުލުހުން އަންގާ ގޮތެއްގެމަތިން ސުލްހަވެރިކަމާއެކު ތިބުމަށް އިރުޝާދު ދެމުން
މުޒާހަރާ މަޑުމަޑުން ހޫނުވާން ފަށައިފި. މުޒާހަރާ ހިނގަމުންދާއިރު ހިއުމަންރައިޓްސް ކޮމިޝަންގެ އޮފިޝަލުން ވެސް މުޒާހަރާ އޮބްޒާވް ކުރަމުން އެބަގެންދަވާ. މުޒާހަރާގައި މިވަގުތު ބައިވެރިވެ ވަޑައިގަންނަވާ ހަމައެކަނި މަޖިލީހުގެ މެންބަރަކީ ކުރެންދޫ ދާއިރާގެ އަހުމަދު މޫސާ.
ޑރ. ޖަމީލްގެ ވަކީލުންގެ ޓީމުގައި ހިމިނި ވަޑައިގަންނަވާ ވަކީލުންގެ ތެރެއިން ޑރ. ހަސަން ސައީދާއި ޑރ. ޖަމީލްގެ ބޭބެ ނާސިރު ވެސް ޖަމީލާއެކު އެކު ދޫނިދޫ އަށް ވަޑައިގެންނެވި. މީގެ ކުރިން ވަނީ ވަކީލުންނަށް ފުރުސަތު ނުދެއްވާފައި.
ކޮމެޓީއަށް ހުށަހެޅިފައިވާ މައްސަލަ ބާތިލުކޮށް ކޮމެޓީ ނިންމާލައިފި. ކޮމެޓީ ނިންމާލެއްވީ ކޮމެޓީއަށް މައްސަލަ ހުށަހެޅުއްވެވި މެންބަރުންގެ ތެރެއިން އަހުމަދު މަހުލޫފު ކޮމެޓީއަށް ހުރަސް އެޅުއްވެވި ކަމަށް ނިންމެވުމަށްފަހު. އޭގެ ކުރިން ވަނީ ކޮމެޓީ ހޫނުވެ ކުރިޔަށް ނުގެންދެވިގެން ދެފަހަރަށް ކޮމެޓީ މެދު ކަނޑާލައްވާފައި.