17 Oct 2020, 10:32
ކޮވިޑް-19 ޖެހިގެން އުމުރުން 67 އަހަރުގެ ދިވެއްސަކު މިއަދު މަރުވެފައިވާ ކަމަށް ހެލްތު ޕްރޮޓެކްޝަން އެޖެންސީ (އެޗްޕީއޭ)އިން ބުނެފި އެވެ.
އެޗްޕީއޭއިން ބުނި ގޮތުގައި އެ މީހާ މަރުވީ ހުޅުމާލޭ ކޮވިޑް-19 ފެސިލީޓީގައި ފަަރުވާދެމުން ދަނިކޮށެވެ.
މިއީ މިހާތަނަށް ރާއްޖޭގައި ކޮވިޑް-19 ޖެހިގެން މަރުވި 36 ވަނަ މީހާ އެވެ.
އެޗްޕީއޭއިން އެންމެ ފަހުން އާންމު ކުރި މައުލޫމާތުތަކުން ދައްކާ ގޮތުގައި މިވަގުތު ރާއްޖޭގައި 1،117 މީހުން ކޮވިޑް-19 ޖެހިފައި އެބަ ތިއްބެވެ. އޭގެ ތެރެއިން 49 މީހަކަށް ހޮސްޕިޓަލުތަކުގައި ދަނީ ފަރުވާ ދެމުންނެވެ.
މިހާތަނަށް ރާއްޖެއިން ކޮވިޑް-19އަށް ޕޮޒިޓިވްވި މީހުންގެ ޖުމްލަ އަދަދަކީ 11،154 އެވެ.