01 Oct 2020, 08:09
ކުވެއިތުގެ އަމީރު ޝައިހް ސަބާހް އަލް އަހުމަދު އަލް ސަބާހް އަވާހަރަވުމަށް ފަހު ވަލީއަހުދު ކަމުގައި ކުރިން ހުންނެވި ވަލީއަހުދު ޝައިހް ނަވާފް އަލް އަހުމަދު އަލް ސަބާހް، އާ އަމީރުކަމަށް އިސްކުރައްވައިފި އެވެ. އިއްޔެ އެމަނިކުފާނު ވަނީ ހުވާކުރައްވައިފަ އެވެ.
އުމުރުން 91 އަހަރުގައި ކުރީގެ އަމީރު އިއްޔެ ވަނީ އަވަހާރަވެފަ އެވެ. އަމީރު އަވަހާރަވީ އެމެރިކާގެ މިިނިސޯޓާގައި އާލަސްކަންފުޅަށް ފަރުވާ ހޯއްދަވަމުންދަނިކޮށެވެެ. ކުވެއިތުގެ ރޯޔަލް ކޯޓުން ބުނީ އަމީރުގެ ޖަނާޒާ ބާއްްވާނީ މާ ބޮޑު ރަސްމިއްޔާތަކާ ނުލައި ކަމަށެވެ. އެއީ ކޮރޯނާއާ ހެދި ކަމަށެވެ.
އަލަށް ވެރިކަމާ ހަވާލުވެވަޑައިގެންނެވި ޝައިހް ނަވާފް މީގެ ކުރިން ވަނީ ޑިފެންސް މިިނިސްޓަރުކަމާއި އިންޓީރިއާ މިނިސްޓަރުކަން ވެސް ކުރައްވައިފަ އެވެ.
އެމަނިކުފާނަކީ ސިޔާސީ ގޮތުން މާ ގިނައިން ފެނެދެނިވި ބޭފުޅެއް ނޫނެވެ. ނަމަވެސް ޝާހީ އައިލާގެ ތާއިދު އެމަނިކުފާނަށް ލިބިވަޑައިގެންފައިވެ އެވެ.
މުރާސިލުން ބުނާ ގޮތުގައި ޝައިހް ނަވާފް ބޮޑެތި ބާރުތައް އާ ވަލީއަހުދަށް ދެއްވާނެ އެވެ. މިހާރު ވެސް ޝާހީ އާއިލާގެ ގިނަ ބޭފުޅުން އެމަގާމަށް ޝައުގުވެރިކަން ފާޅުކުރަމުންނެވެ.
އަރަބި އެހެން ގައުމުތަކަ ހިލާފަށް ކުވެއިތުގައި ޕާލަމަންޓަށް ބޮޑެތި ބާރުތައް ލިބިފައިވެ އެވެ. އެގޮތުން ސަރުކާރުގެ ވަޒީރުންނާއި ޕާލިމަންޓްގައި ސުވާލުކުރެވެ އެވެ.-- އަލްޖަޒީރާ---