30 Aug 2020, 08:26
ނޯވޭގެ އާކްޓިކް ރަށެއް ރަށެއް ކަމަށްވާ ސްވަލްބާޑުގައި ޕޯލަ ބެއާއެއް ހަމަލާދިނުމުން މީހަކު މަރުވެއްޖެ އެވެ.
އެ ހާދިސާގައި މަރުވީ އުމުރުން 38 އަހަރުގެ ޖޯހާން ޖޭކޮބަސް އެވެ. ޕޯލަ ބެއާ ޖޯހާންއަށް ހަމަލާދިނީ ކޭމްޕްކުރާ ހިސާބެއްގައި ޓެންޓުޖަހައިގެން އިންދަ އެވެ.
ފަހުން ވަނީ އެ ސަރަހައްދުގައި އުޅޭ މީހުން އެ ޕޯލަބެއާގެ ގަޔަށް ބަޑި ޖަހައި މަރާލައިފަ އެވެ.
ތަޖުރިބާކާރުން ބުނާގޮތުގައި ކްލައިމެޓް ޗޭންޖާ ގުޅިގެން ޕޯލަ ބެއާ ޝިކާރަކުރާ ސަރަހައްދުތަކަށް ބަދަލު އައިސްފައިވުމާ އެކު އެ ޖަނަވާރުރައް މިހާރު މީހުން ދިިރިއުޅޭ ސަރަހައްދަށް ވަނީ މިސްރާބު ޖަހައިފަ އެވެ.
ނަވާރަސަތޭކަ ހަތްދިހަ އެއްވަނަ އަހަރުގެ ފަހުން އެ ސަރަހައްދުގައި ޕޯލާ ބެއާ ހަމަލާދީގެން މަރުވެފައި ވަނީ އެންމެ ފަސް މީހުންނެވެ. މީހުން ނޫޅޭ ސަރަހައްދުތަކަށް ދާއިރު ރައްކާތެރިކަމުގެ ގޮތުން ބަޑި ގެންދަން ޖެެހެ އެވެ.
ސްވެލްބާޑުގެ ނޫހަކުން ބުނީ މިހާރަކަށް އައިސް ކޭމްޕްސައިޓްތަކުން ރޭގަނޑު ޕޯލަބެއާތައް ފެންނާތީ ރޭގަނޑު ޓެންޓްތަކުގައި ނުތިބުމަށް އިންޒާރު ވެސް ދީފައިވާ ކަމަށެވެ.
ސްވަލްބާޑްގައި އެންމެ ފަހުން ޕޯލަބެއާއެއް ހަމަލާދީގެން މީހަކު މަރުވީ 2011 ވަނަ އަހަރު އެވެ. އިނގިރޭސިވިލާތަަށް ނިސްބަތްވާ މީހަކު އެފަހަރު ވެސް މަރުވީ ކޭމްޕްސައިޓެއްގައި އުޅެނިކޮށެެވެ. -- ބީބީސީ/ގާޑިއަން