27 Jul 2020, 08:53
ވިދްޔުތް ޖަމްވާލް ލީޑު ރޯލުން ފެނިގެންދާ ފިލްމު "ޚުދާ ހާޒިފް"ގެ ޓްރެއިލާ އާންމުކޮށްފި އެވެ.
އަންނަ މަހުގެ 14 ވަނަ ދުވަހު ހޮޓްސްޓާ މެދުވެރިކޮށް ރިލީޒްކުރާ އެ ފިލްމަކީ ރޮމޭންޓިކް ތްރިލާއެކެވެ. އެ ފިލްމުގެ ޓްރެއިލާއަށް ބޮޑު ތަރުހީބެއް ލިބެމުން އަންނައިރު ފިލްމުގެ އަންހެން ލީޑު ރޯލުން ފެނިގެންދަނީ ޝިވަލީކާ އޮބްރޯއީ އެވެ. ފަރުކް ކަބީރުގެ ޑައިރެކްޝަނުގެ ދަށުން މި ފިލްމު ގެނެސްދޭއިރު ޚުދާ ހާފިޒް ޕްރިޑިއުސްކޮށްފައި ވަނީ ކުމާރު މަންގަތް ޕަތަކް އާއި އަބީޝޭކް ޕަތަކް އެވެ.
ފިލްމުގެ ޓްރެއިލާއިން ފެނިގެންދަނީ ޝިވަލީކާ (ނަރްގިސް) ބޭރު ގައުމަކަށް ދަތުރުކުރާ ތަނެވެ. އެއްދުވަހަކު އޭނާގެ ފިރިމީހާ ވިދްޔުތް (ސަމީރު) އަށް ގުޅާ އޭނާ އެނބުރި ގައުމަށް ގެންދިޔުމަށް އެދި އާދޭސްކުރާ މަންޒަރު ފެނިގެންދިޔައެވެ. ސަމީރު އޭނާގެ އަންހެނުން ހޯދަން އެ ގައުމަށް ގޮސް ދިމާވާ ކަންތައްތައް މި ފިލްމުގެ ޓްރެއިލާއިން ފެނިގެން ދިޔަ އެވެ.
ފިލްމުގެ ކެރެކްޓާއާ ގުޅޭ ގޮތުން ވިދްޔުތް ބުނީ ޚުދާ ހާފިޒް އަކީ އޭނާއަށް ވަރަށް ހާއްސަ ފިލްމެއް ކަމަށާއި އެ ފިލްމުގައި އޭނާ ކުޅޭ ކެރެކްޓަރު ސަމީރު އަކީ މިހާތަނަށް އޭނާ ކުޅުނު ފިލްމުތަކުން ފެނިފައިނުވާފަދަ ވަރުގަދަ ރޯލެއް ކަމަށެވެ.
މި ފިލްމަކީ ހަގީގީ ހާދިސާތަކުން އިންސްޕަޔާވެގެން އުފައްދާފައިވާ ފިލްމެކެވެ.