01 Jun 2020, 15:49
ކޮރޯނާ ވައިރަސްއާ ގުޅިގެން ވަރަށް ބޮޑަށް އަސަރުކޮށްފައިވާ ޖަރުމަނުގެ ކާރުގެ އިންޑަސްޓްރީ އަލުން ކޮޅަށް ޖެހުމަށް އެހީތެރިވުމުގެ ގޮތުން ފަސް ބިލިއަން ޔޫރޯގެ ސްޓިމިއުލަސް ޕެކޭޖެއް ހުށަހަޅައިފިއެވެެ.
ކޮރޯނާ ވައިރަސްއާ ގުޅިގެން ޖަރުމަނުގެ ފެކްޓްރީތަކުގެ ޕްރޮޑަކްޝަން ލައިންތައް ހުއްޓި ޝޯރޫމްތައް ބަންދުކުރުމުން ވިޔަފާރިތައް ވަރަށް ބޮޑަށް ވަނީ މަދުވެފައެެވެ.
ދާދި ފަހުން އެގައުމުގައި ކުރި ސާވޭއެއްގައި ބުނީ މިއީ 1991 ގެ ފަހުން އެ އިންޑަސްޓްރީ އަޑިއަޅާލި ފުރަތަމަ ފަހަރު ކަމަށެެވެ.
ޖަރުމަނުގައި މިހާރު ވެރިކަން ކުރަމުންދާ ސޯޝަލް ޑިމޮކްރެޓްސްއާއި ކްރިސްޓިއަން ޑިމޮކްރެޓުން ގުޅިގެން ކާރު އިންޑިސްޓްރީއަށް ސްޓިމިއުލަސް ޕެކޭޖްގެ ބިލެއް މިއަދު ހުށަހަޅާނެކަމަށްވެސް ޖަރުމަނުގެ މީޑިއާތަކުން ބުނެއެެވެ.
ޖަރުމަނުގެ އިކޮނިމިކް މިނިސްޓްރީން ހުށަހަޅަން ނިންމާފައިވާގޮތުން 77،350 ޔޫރޯއަށް ވުރެ ދަށް އިލެކްޓްރިކް ވެހިކަލްތަކާއި ތެލުން ދުއްވާ ކާރުތައް ގަންނަ ފަރާތްތަކަށް ޕްރިމިއަމް ސަރުކާރުން ދައްކައިދޭނެއެވެ. އެގޮތަށް މިއަހަރު ނިމެންދެން އަމަލުކުރަން ވަނީ ހުށަހަޅައިފައެވެެ.
އެބިލާމެދު މިހާރުވެސް ވަނީ ހިޔާލުތަފާތުވުންތައް އުފެދިފައެެވެ. ބައެއް ފަރާތްތަކުން ބުނީ ސްޓިމިއުލަސް ޕެކޭޖް ދޭން ޖެހޭނީ ހަމައެކަނި އިލެކްޓްރިކް ވެހިކަލްތައް ގަންނަނަމަ ކަމަށާއި މިވަގުތަކީ ކްލައިމެޓް ޗޭންޖްއާ ދެކޮޅަށް މަސައްކަތްކުރަންވީ ވަގުތު ކަމަށެެވެ.--- ރޮއިޓާސް---