17 May 2020, 20:53
އިތުރު ފަސް މީހަކު ކޮވިޑް-19އަށް ޕޮޒިޓިވްވެ، ރާއްޖެއިން ކޮވިޑް ޖެހުނު މީހުންގެ ޖުމްލަ އަދަދު 1,083 އަށް އަރައިފިއެވެ.
ހެލްތު ޕްރޮޓެކްޝަން އެެޖެންސީ (އެޗްޕީއޭ)އިން ބުނީ، މިރޭ 8:30ގެ ނިޔަލަށް ފަސް މީހަކު ކޮވިޑް-19އަށް ޕޮޒިޓިވްވެފައިވާ ކަމަށެވެ. އެއީ ހަތަރު ބަންގްލަދޭޝް މީހަކާއި ސްރީލަންކާ މީހެއް ކަމަށް އެޗްޕީއޭއިން ބުންޏެވެ.
ރާއްޖެއިން އެންމެ ގިނައިން ކޮވިޑް-19 ޖެހިފައި ވަނީ ބަންގްލަދޭޝް މީހުންނަށެވެ. ބަންގްލަދޭޝްގެ 561 މީހުން ވައިރަހަށް ޕޮޒިޓިވްވެފައިވެއެވެ. ޕޮޒިޓިވްވި މީހުންގެ ތެރެއިން ދިވެހީންގެ އަދަދަކީ 379 އެވެ. އޭގެ އިތުރުން އިންޑިއާއަށް ނިސްބަތްވާ 103 މީހަކުވެސް ޕޮޒިޓިވްވެފައިވެއެވެ.