Last Updated: 6 year 6 month ago

Last Updated:
6 year 6 month ago

ވިހޭތާ އެއްމަސް ނުވާ ކުއްޖަކު ވެސް ޕޮޒިޓިވްވެފައިވޭ: ޑރ. ނަޒްލާ

    ބުލޮގު ޚުލާސާ

    ކޮވިޑް-19 އާ ގުޅޭ އެންމެ ފަހުގެ މައުލޫމާތު ދިނުމަށް ނޭޝަނަލް އިމަޖެންސީ އޮޕަރޭޝަންސް ސެންޓަރުން ބާއްވާ ނޫސްވެރިންގެ ބައްދަލުވުމުގެ ލައިވް ކަވަރޭޖް

    22:59

    މަނަދުއަށް ވައިރަސް ދިޔައީ ކިހިނެތް ކަމެއް އަދިވެސް ނޭނގެ. މިހާރު ޕޮޒިޓިވްވި ނުވަ މީހުންނަކީ، އެ ރަށުން ފެނުނު ފުރަތަމަ ކޭސްއާ ގުޅިގެން 14 ދުވަހު ކަރަންޓިންކޮށް ދޫކޮށްލުމަށް ހެދި ޓެސްޓުން ޕޮޒިޓިވްވި މީހުން: ޑރ. ނަޒްލާ

    22:58

    ކޮވިޑަށް ޕޮޒިޓިވްވި މާބަނޑުމީހާގެ ދަރިފުޅު ވައިރަހަށް ނެގަޓިވް: ޑރ. ނަޒްލާ

    22:51

    ލޮކްޑައުން އުވާލުމަށްފަހު އާންމު ދިރިއުޅުމުގައި ގައިދުރުކުރުމުގެ ފިޔަވަޅުތަކަށް އަމަލު ނުކުރާނަމަ ލޮކްޑައުންގައި މި ލިބޭ ހިމާޔަތެއް ނުލިބޭނެ: ޑރ. އަފްޒަލް

    22:46

    ވިހޭތާ އެއް މަސް ނުވާ ކުއްޖަކު ވަނީ ކޮވިޑަށް ޕޮޒިޓިވް ވެފައި. އެ ކުއްޖާގެ އަލާމާތްތައް ފެނުމާ ގުޅިގެން އެ ކުއްޖާ ޓެސްޓްކުރީ. އެ ކުއްޖާގެ މަންމަ ވެސް ޓެސްޓް ކުރަމުގެ މަސައްކަތް މިދަނީ ކުރަމުން: ޑރ. ނަޒްލާ

    22:46

    ހިންމަފުށީ ރިހެބްލިޓޭޝަން ސެންޓަރުން ޕޮޒިޓިވްވި މީހުންގެ ދެވަނަ ޓެސްޓެއް އަދި ނުކުރޭ: ޑރ. ނަޒްލާ

    22:45

    ފޮރޮންޓްލައިންގެ 199 މީހަކު ވައިރަހަށް ޕޮޒިޓިވްވެފައިވޭ: ޑރ. އަފްޒަލް

    22:44

    އުމުރުން ދުވަސްވީ އިތުރު މީހެއްގެ ސާމްޕަލެއް ވަނީ ޕޮޒިޓިވްވެފައި: ޑރ. ނަޒްލާ

    ޑރ. ނަޒްލާ ރަފީގު

    ލޮކްޑައުންއަށް ފަހު މާލެ ފިޔަވައި ތިން ރަށަކުން ކޭސް ފެނިފައިވޭ. އޭގެ ތެރެއިން ދެ ރަށަކުން ފެނުނު ކޭސްތަކަކީ ސީދާ މާލެއިން ފެނުނު ކޭސްތަކާ ގުޅުން ހުރި ކޭސްތަކެއް. މިހާރު ވެސް މާލެއިން ރަށްރަށަށް މީހުން ދާ ދިއުމުގައި ބަލި ފެތުރުން އެކަށީގެންވޭ
    ޑރ. އިބްރާހިމް އަފްޒަލް

    ހޯމް ކަރަންޓީނަށް ލެވޭނީ އެކަމުގެ ޝަރުތު ފުރިހަމަވާ މީހުން. އެކަހެރިވެގެން ހުރެވޭ ފަދަ ގޮތެއް ގޭގައި ހުންނަ ނަމަ. ހޯމް ކަރަންޓީނަށް ލާއިރު ވަކި އިރުޝާދުތަކެއް ވެސް ދެން. އެމީހެއްގެ އަމަލުތައް ބަހައްޓަން ޖެހޭނެ ގޮތާއި މީހުންނާ މުއާމަލާތް ކުރާއިރު އަމަލު ކުރަން ޖެހޭ ގޮތާއި ރައްކާތެރިކަމުގެ ފިޔަވަޅުތައް ބަހައްޓަން ޖެހޭ ގޮތާ ބެހޭ މައުލޫމާތު
    22:37

    ހޯމް ކަރަންޓީން ކުރާނީ އެބަޔަކަށް އެ ޝަރުތުތައް ފުރިހަމަ ވާނަމަ. މާނައަކީ އެމީހަކަށް ވަކިން ހުރެވޭނެ ފަދަ ވަކި ކޮޓަރިއަކާއި ވަކި ފާހާނާއެއް ހުންނަނަމަ: ޑރ. އަފްޒަލް

    22:37

    ލޮކްޑައުން އޮތަސް އަދިވެސް އަތޮޅު ތެރޭގެ ރަށްތަކަށް ވައިރަސް ދިޔުމުގެ ފުރުސަތު އެބައޮތް: ޑރ. ނަޒްލާ

    22:30

    ހިންމަފުށީ ޑްރަގް ޓްރީޓްމެންޓް އެންޑް ރިހެބިލިޓޭޝަން ސެންޓަރުން ޕޮޒިޓިވްވި މީހާ އެ ސެންޓަރަށް ދިޔުމުގެ ކުރިން މާލޭގައި ހުރި އިރު، އޭނާ ގޮސްފައިވާ އެއް ގެއަކުން މިއަދު އަޅުގަނޑުމެންނަށް ބޭރުމީހަކު ޕޮޒިޓިވްވި މީހަކު ވަނީ އައިޑެންޓިފައި ކުރެވިފައި. އެހެންވީމަ މިއީ ރިހެބިލިޓޭޝަން ސެންޓަރަށް ބަލި ދިޔުމުގެ ޕޮސިބަލް ރޫޓަކަށް ވެދާނެ

    މުހައްމަދު މަބްރޫކް އަޒީޒް

    ލެބޯޓަރީ ޓެކްނީޝަނުންގެ މަސައްކަތަކީ ވަކި އިލްމެއް ލިބިގެން ވަކި ޓްރޭނިންއެއް ހައްދަވައިގެން. ވަކި ޕްރޮފެޝަންގެ މަސައްކަތެއް. އެއީ އެހެން ބޭފުޅުންނަށް ކުރެވޭނެ މަސައްކަތެއް ނޫން. އައިޖީއެމްއެޗް ލެބޯޓަރީގައި މިހާރު މަސައްކަތް ކުރަމުންދާ އެ ޓީމްގެ ކުރައްވާ ބުރަ މަސައްކަތް. އަޅުގަނޑުމެން ކޮންމެ ދުވަހަކު މިތާ އަރާ މި ކިޔަނީ 500 އެއްހާ ސާމްޕަލްގެ ނަތީޖާ ލިބިއްޖެއޭ. އަޅުގަނޑުމެންނަށްވެސް ނުބުނެވި އޮތް ވާހަކައަކީ އެކަން ކުރެވެނީ ރެއާ ދުވާލު 24 ގަޑި އިރު އެ ބޭފުޅުން ހުއްޓާ ނުލާ ކުރެވޭ މަސައްކަތްތަކުން. ހަމަ މިފަދަ މަސައްކަތް ކުރެވެމުން އެދަނީ ޕޮލިސް ލެބޯޓަރީގައިވެސް. ހުއްޓުމެއް ނެތި ކުރާ މަސައްކަތުން ލިބޭ ނަތީޖާގެ ވާހަކަ ދައްކާއިރު، މި މައްސަކަތުގެ ކަވިކަމާއެކު މިކަމުގެ އުދަނގޫކަން އަދި މީގެ ރިސްކް އަންދާޒާ ކުރަން އަޅުގަނޑުމެންވެސް ހަދާން ނެތޭ. އެކަމާ އަޅުގަނޑުމެންވެސް ދެރަވަން. އަދި ނިހާޔަތަށް ޝުކުރު އަދާ ކުރަން ބޭނުންވޭ އެ ބޭފުޅުންގެ މަސައްކަތައް. ކިތަންމެ މޮޅު މެޝިނެއް ހުއްޓަސް އެބޭފުޅުން ކުރާ މަސައްކަތާ ނުލާ ސާމްޕަލްގެ ނާތީޖާ އަޅުގަނޑުމެންނާ ހަމައަށް ނާންނާނެ. އެކަން އަޅުގަނޑުމެން ދެނެގަނެ އެކަމަށް ޝުކުރު އަދާކުރަން ޖެހޭ އަޅުގަނޑުވެސް ދަންނަން. އަދި ކުރިން ދެންނެވި ވާހަކައަށް ވަރަށް ބޮޑަށް މާފަށް އެދެން.
    22:16

    މިހާރު ޕޮޒިޓިވް ކޭސްތަކުގެ ކޮންޓެކްޓްތައް ދަނީ މަދުވަމުން: ޑރ. ނަޒްލާ

    22:14

    މިވަގުތު މޮނީޓަރުންގެ ހާލަތުގައި 313 ތަނެއް އެބަހުރި.

    22:13

    ވޭތިވެދިޔަ 24 ގަޑިއިރު، ކޮވިޑަށް 978 ސާމްޕަލް ނެގިފައިވޭ. މިހާތަނަށް ރާއްޖެއިން ސާމްޕަލް ނެގި ޖުމްލަ އަދަދަކީ 14،717

    22:13

    ލޮކްޑައުންގެ ގަވާއިދާ ހިލާފުވެގެން މިހާތަނަށް ޖުމުލަ 226 މީހުން ހައްޔަރުކޮށްފައިވޭ. މިއަދު ފަސް މީހަކު ލޮކްޑައުންއާ ހިލާފުވެގެން ފުލުހުންގެ ބެލުމުގެ ދަށަށް ގެންދެވުނު އަދި 41 މީހަކު މިއަދު ޖޫރިމަނާ ކުރި

    22:06

    މިދިޔަ 24 ގަޑިއިރުގެ ތެރޭގައި 113 މީހުން ފްލޫ ކްލިނިކަށް ދައްކާފައިވޭ. އޭގެ ތެރެއިން 15 މީހެއްގެ ސާމްޕަލް ވަނީ ނަގާފައި