Last Updated: 6 year 7 month ago
ބުލޮގު ޚުލާސާ
ކޮވިޑް-19އާ ގުޅޭ އެންމެ ފަހުގެ މައުލޫމާތު ދިނުމަށް ނޭޝަނަލް އިމަޖެންސީ އޮޕަރޭޝަންސް ސެންޓަރުން ބާއްވާ ނިވްސް ކޮންފަރެސްގެ ލައިވް ކަވަރޭޖަށް މަރުހަބާ!
އިންޑިއާ ސަރުކާރުން ވާ ހިލޭގެ އެހީގެ ގޮތުގައި އިންޑިއާގެ ބޯޓެއް ރާއްޖެއަށް 12 މެއި ވާ ދުވަހު އައުމަށް މިހާރު ވަނީ ހަމަޖެހިފައި. ޖުމްލަ 580 ޓަނުގެ ތަކެތި މި ބޯޓުގައި ގެންނާނެ
ބިދޭސީންގެ ކޮންޓެއިންމެންޓް ސައިޓުގެ ގޮތުގައި 28 ތަނެއް ފާހަގަކޮށްފައިވާ ކަމަށް މީގެކުރީން ވަނީ ބުނެފައި. މީގެއިތުރުން ފަސް ތަނެއް ވަނީ ކޮންޓެއިންމެންޓް ސައިޓުގެ ގޮތުގައި ފާހަގަވެފައި
މާލޭގައި މި އައި ލޮކްޑައުންގެ ހާލަތާ ހެދި، ކުރު މުއްދަތަށް މާލެ ދަތުރުކޮށްފައިވާ މީހުންގެ ތެރެއިން އަނބުރާ ރަށަށް ދިޔުމަށް ޓްރާންސިޓް ކަރަންޓީން ފެސިލިޓީތަކަށް މިހާތަނަށް 323 މީހަކު މި ވަނީ ގެންދެވިފައި. އެބޭފުޅުން އެތަންތަނުގައި 14 ދުވަސް ހަމަކޮށް ޓެސްޓު ހެދުމަށް ފަހުގައި އަނބުރާ ރަށަށް ވަޑައިގަންނަވާނެ
އައިސޮލޭޝަންގައި މިވަގުތު 756 މީހުން އެބަތިބި. އަދި 1،460 މީހުން ކަރަންޓީނުގައި މިވަތު އެބަތިބި. ކަރަންޓީން ފެސިލިޓީތަކުން 14 ދުވަސް ހަމަކޮށް ޓެސްޓު ހެދުމަށްފަހުގައި ދޫކޮށްލެވިފައިވާ މީހުންގެ އަދަދަކީ 67. އަދި އިތުރު 87 މީހުންގެ ސާމްޕަލް ވަނީ ނެގިފައި. 14 ދުވަސް ހަމަ ވުމާއެެކު އެމީހުންގެ ސާމްޕަލްތައް ނެގެޓިވް ވާ ބޭފުޅުން ދޫކޮށްލުމަށްޓަކައި
ޖުމްލަ ޕޮޒިޓިވް ވެފައިވާ ދިވެހީންގެ އަދަދަކީ 276. އަދި ބިދޭސީން ޕޮޒިޓިވް ވެފައިވާ އަދަދަކީ 559. މިވަގުތު މި ބައްޔަށް ފަރުވާ ދެވެމުންދާ މީހުންގެ އަދަދަކީ 801. ޕޮޒިޓިވް ވެފައިވާ ކޭސްތަކާ ގުޅިގެން ކޮންޓެކްޓް ޓްރޭސިންގެ މަސައްކަތުން 101 އިތުރު މީހުން ވަނީ ކޮންޓެކްޓްސްގެ ގޮތުގައި ފާހަގަކުރެވިފައި. އަދި މިވަގުތު 296 ތަނެއް ހުރީ މޮނީޓަރިންގައި