08 May 2020, 16:10
އެމެރިކާގެ މަޝްހޫރު ލަވަކިޔުންތެރިޔާ ލޭޑީ ގާގާގެ ހަވަނަ އަލްބަމް ރިލީޒްކުރާ ތާރީޚް ހާމަކޮށްފިއެވެ.
މިދިޔަ މަހުގެ 10 ވަނަ ދުވަހު ކުރިން އެ އަލްބަމް ރިލީޒްކުރަން ނިންމި ނަމަވެސް މިހާރު އެ އަލްބަމް ރިލީޒްކުރާނީ މި މަހު 29 ގައި ކަމަށް އޭނާ ބުންޏެވެ. ކޮރޯނާގެ ސަބަބުން ކުރިން ތާވަލްކޮށްފައިވާ ތާރީޚަށް ލަވަ އަލްބަމް ނުނެރެވުނު ނަމަވެސް މި މަހު އެ އަލްބަމް ރިލީޒްވާނެ ކަމަށް އޭނާ ވަނީ ބުނެފައެވެ.
"ކްރޮމޭޓިކާ" ގެ ނަމުން ނަންދީފައިވާ އެ އަލްބަމުގައި 16 ޓްރެކެއް ހިމެނޭނެއެވެ. ލޭޑީ ގާގާ ބުނީ މި ލަވަ އަލްބަމަކީ ތަފާތު ލަވަތަކެއް ހިމެނޭނެ އަލްބަމެއް ކަމަށާއި ލޮކްޑައުންގައި ތިބެގެން ވެސް މި ލަވަތައް އަޑުއަހާލުމުން އުފާވެގެންދާނެ ކަމަށެވެ.
ލޭޑީ ގާގާ އަކީ އެގާރަ ގްރެމީ، އެވޯޑް ހޯދާފައިވާ ކާމިޔާބު ލަވަކިޔުންތެރިއެކެވެ. "ކްރޮމޭޓިކާ" ގެ ވީޑިއޯ ލަވައެއް މިހާރު ވަނީ ޔޫޓިއުބްގައި އާންމުކޮށްފަ އެވެ. ޔޫޓިއުބްގައި އާންމުކޮށްފައިވާ "ސްޓްޕިޑް ލަވް" އަށް ބެލުންތެރިންގެ ބޮޑު ތަރުހީބެއް އަންނަނީ ލިބެމުންނެވެ.
ލޭޑީ ގާގާ އެންމެ ފުރަތަމަ ނެރުނު އަލްބަމް އަކީ 2008 ވަނަ އަހަރު ނެރުނު "ދަ ފޭމް" އެވެ. އޭނާ އެންމެ ފަހުން ނެރެފައި ވަނީ 2016 ވަނަ އަހަރު ނެރުނު "ޖޮއާން" އަލްބަމް އެވެ.