18 Apr 2020, 20:57
މާލޭގެ މަގުތަކަށް ނުތް އިތުރު 92 މީހަކު ފުލުހުންގެ ބެލުމުގެ ދަށަށް ގެންގޮސް، އެކަކު ޖޫރިމަނާ ކޮށްފިއެވެ.
ކޮވިޑް-19 އަށް މާލެ އިން މީހަކު ޕޮޒިޓިވްވުމާ އެކު މިދިޔަ ބުދަ ދުވަހު މާލެ ވަނީ ލޮކްޑައުންކޮށް ބޭރަށް ނިކުތުން މަނާ ކޮށްފަ އެވެ. ނަމަވެސް ކޮންމެވެސް ވަރަކަށް މީހުން މަގުތަކަށް ނިކުންނަން ފެށުމާ އެކު ރޭ، 8:30ގެ ފަހުން މަގުތަކަށް ނިކުންނަ މީހުނަށް ހަރުކަށި ފިޔަވަޅު އަޅާނެ ކަމަށް ފުލުހުން ވަނީ ބުނެފަ އެވެ.
އެއާ އެކު ރޭ ހަތް މިނެޓް ތެރޭގައި 74 މީހުން ފުލުހުންގެ ބެލުމުގެ ދަށަށް ވަނީ ގެނެސްފައެވެ.
މިރޭ ނޭޝަނަލް އިމަޖެންސީ އޮޕަރޭޝަން ސެންޓަރުގައި ބޭއްވި، ނޫސްވެރިންގެ ބައްދަލުވުމުގައި، އެ ސެންޓަރުގެ ތަރުޖަމާނު މުހައްމަދު މަބްރޫކު އަޒީޒް ވިދާޅުވީ، އެންގުމާ ހިލާފަށް މިއަދު މަގުތަކަށް ނިކުއިން 92 މީހަކު ފުލުހުންގެ ބެލުމުގެ ދަށަށް ގެންގޮސްފައިވާ ކަމަށެވެ.
މަގުމަތީގައި އުޅުން މިހާރު ހުއްދަ ނޫން ނަމަވެސް، ފުލުހުންނަށް ގުޅައިގެން ހުއްދަ ނަގައިގެން ޒަރޫރީ ބޭނުންތަކަށް މަގުމައްޗަށް ނުކެވިދާނެއެވެ.
އެ ނޫން ކަންކަމުގައި މަގުމައްޗަށް ނުކުމެ އުޅޭ ނަމަ ފުރަތަމަ ފަހަރު ކުރާނީ، ޖޫރިމަނާ ކަމަށާއި ދެވަނަ ފަހަރު ގާނޫނުލް އުގޫބާތުގެ 533 ވަނަ މާއްދާގެ ދަށުން ހައްޔަރު ކުރާނެ ކަމަށް ފުލުހުން ވަނީ ބުނެފައެވެ. އެއީ ގާނޫނު ހިންގުމަށް ހުރަސްއެޅުމާއި ދައުލަތުގެ އެހެނިހެން މަސައްކަތްތަކަށް ހުރަސްއެޅުމާ ގުޅޭ މާއްދާއެވެ.
ފުލުހުން މީގެކުރިން ބުނެފައި ވަނީ ލޮކްޑައުން ކޮށްފައިވާ ވަގުތުގައި މަގުމައްޗަށް ނިކުންނަ މީހުންނާ މެދު ހަރުކަށި ފިޔަވަޅު އަޅައި ކަރަންޓީނަށް ގެންދަން ޖެހިއްޖެ ހާލަތެއްގައި އެކަން ވެސް ކުރާނެ ކަމަށެވެ.