11 Apr 2020, 16:18
ލޯބިވެރިއެއްގެ މައްސަލާގައި ބިދޭސީ އަންހެނަކު އަމިއްލަ ހަށިގަނޑަށް ގެއްލުން ދޭން އުޅެފިއެވެ.
ފުލުހުން ބުނީ ހެންވޭރު ގެއެއްގެ ކައިރީ މީހެއްގެ ގަޔަށް ވަޅިހަރައިގެން އުޅޭކަމުގެ މައުލޫމާތު މިއަދު 14:10 ހާއިރު ލިބިފައިވާ ކަމަށެވެ.
މި ހާދިސާ ހިނގާފައިވަނީ ރައްޓެހިވެގެން އުޅުނު ބިދޭސީ އަންހެނަކާއި ފިރިހެނެއް ރުޅިވުމުން، އަންހެން މީހާ ފިރިހެން މީހާގެ ކައިރިއަށް ގޮސް އަމިއްލަ އަށް ގައިގައި ވަޅިއަޅަން އުޅުމުން އެހެން ބިދޭސީ ފިރިހެނެއް އެ އަންހެންމީހާ ހުއްޓުވަން އުޅުމުގެ ތެރޭގައި އޭނާގެ އަތުގައި ވަޅިއެޅިގެން ކަމަށެވެ.
މި ހާދިސާ އާއި ގުޅިގެން ފުލުހުން ބުނީ ހާދިސާގައި ޒަހަމްވި މީހާއަށް މާބޮޑު ގެއްލުމެއް ނުލިބޭ ކަމަށާއި މި މައްސަލަ އާއި ގުޅިގެން ބަލަންޖެހޭ ކަންތައް ބަލަމުންދާ ކަމަށެވެ.