06 Apr 2020, 10:56
ކުރިއަށް އޮތް އޮލިމްޕިކް ގޭމްސްގައި ކުރިއަށްދާ ފުޓުބޯޅަ އިވެންޓުގައި ވާދަކުރާ ޓީމުތަކުގެ ކުޅުންތެރިންގެ އުމުރު ލިމިޓު 23 އަހަރުން 24 އަހަރަށް ބަދަލުކުރުމަށް ވިސްނަން ފަށައިފި އެވެ.
މިހާރު ފެތުރެމުންދާ ކޮވިޑް-19 ވައިރަސް އާ ގުޅިގެން މި އަހަރުގެ ޖުލައި މަހުގައި ޓޯކިޔޯގައި ބޭއްވުމަށް ހަމަޖެހިފައިވާ އޮލިމްޕިކް ގޭމްސް ވަނީ އަންނަ އަހަރަށް ފަސްކޮށްފަ އެވެ.
އޮލިމްޕިކްސްގެ ފުޓުބޯޅަ އިވެންޓުގައި ބައިވެރި ވެވޭނީ ކޮންމެ ޓީމަކުން ވެސް 23 އަހަރުން ދަށުގެ ކުޅުންތެރިންގެ އިތުރުން ސީނިއާ ތިން ކުޅުންތެރިންނެވެ.
ނަމަވެސް އުމުރު ލިމިޓު 24 އަށް ބަދަލުކުރުމަށް ވާހަކަ ދައްކަނީ މި އަހަރުގެ އޮލިމްޕިކްްސްގައި 23 އަހަރު ފަރާތްތަކަށް އަންނަ އަހަރުގެ މުބާރާތުގައި ބައިވެރި ނުވެވޭނެތީ އެވެ. އެއީ މިއަހަރު މުބާރާތުގައި ބައިވެރިވާން ތިބި ފަރާތްތަކަށް ފުރުސަތު ނުލިބު އުމުރު ލިމިޓު ހަމަވާތީ އެގޮތަށް ބަދަލުކުރުމަށް ވިސްނަނީ ކަމަށް ވާހަކަ ދެކެވެ އެވެ.
މި އަހަރު ފަސްކޮށްފައިވާ އޮލިމްޕިކްސް، ޓޯކިޔޯ 2020 ގޭމްސް ވަނީ އަންނަ އަހަރުގެ ޖުލައި 23 އިން އޯގަސްޓް އަށެއްގެ ނިޔަލަށް ތާވަލުކޮށްފަ އެވެ. އޮލިމްޕިކްސްގެ އިތުރުން ޕެރަލިމްޕިކްސް ވެސް ކުރިއަށްދާނީ ޓޯކިޔޯގައި ކަމަށާއި އެ މުބާރާތް ކުރިއަށް ދާނީ އޯގަސްޓު 24 އިން ސެޕްޓެމްބަރު ހައެއްގެ ނިޔަލަށެވެ.