22 Mar 2020, 10:19
މިހާރު ފެތުރެމުންދާ ކޮރޯނާވައިރަސް އާއި ގުޅިގެން، ހުޅުމާލޭގެ ސާފުތާހިރު ކަން ދެމެހެއްޓުމަށް އެޗްޑީސީ އިން އިސްނަގައިގެން ހުޅުމާލެ ބީޗް ސާފު ކުރުމުގެ މަސައްކަތް ފަށައިފި އެވެ.
އެޗްޑީސީ އިން ބުނީ ހުޅުމާލޭގެ ބީޗް ސަރަހައްދު ސާފުކުރުމުގެ މަސައްކަތް އެ ކުންފުނިން ފަށާފައި ވަނީ ކޮރޯނާ އާއި ގުޅިގެން ،ހުޅުމާލޭގެ ސާފުތާހިރުކަން ދެމެހެއްޓުމަށްޓަކައި ކަމަށާއި،އެންމެ އިސްކަން ދޭ ކަމަކީ ރައްޔިތުންގެ ސަލާމަތާއި ރައްކާތެރިކަން ކަމަށެވެ.
އެ ކުންފުނިން ދަނީ ހުޅުމާލެ ބީޗް ސަރަހައްދު ގައި ހެދިފައި ހުރި ގަސްތައް ސާފުކޮށް ވިނަ ނޮޅައި، ބީޗުގައި ހުރި ކުނިތައް ނަގައި ސާފުކުރަމުންނެވެ.
އެޗްޑީސީ އިން މީގެ ކުރިން ވަނީ ހުޅުމާލޭގެ ބަސް ސްޓޮޕްތައް ޑިސްއިންފެކްޓް ކުރުމުގެ މަސަައްކަތް ވެސް ކޮށްފަ އެވެ.
ރާއްޖެއިން މިހާތަނަށް 13 މީހަކު ކޮރޯނާ އަށް ޕޮޒިޓިވް ވެފައިވާއިރު، ތިން މީހަކު ބަލިން ރަނގަޅު ވެފައިވާކަމަށް ޑޮކްޓަރުން ވަނީ ވިދާޅުވެފަ އެވެ.