05 Mar 2020, 16:55
ކުޑަކުދީންގެ ހިޔާގެ ކުރީގެ އިސްވެރިޔާގެ މަގާމުގައި ހުންނެވި އަބްދުއްޝުކޫރު އަބްދުލް ހަކީމް، ޖެންޑާ މިނިސްޓްރީގެ ނައިބުގެ މަގާމަށް އައްޔަނުކުރައްވައިފި އެވެ.
ރައީސުލްޖުމްހޫރިއްޔާ އިބްރާހީމް މުހައްމަދު ސޯލިހު މިއަދު، ޖެންޑާ މިނިސްޓްރީގެ މަގާމަށް އަބްދުއްޝުކޫރު އައްޔަނުކުރެއްވިއިރު އޭނާ ކުރީން ހުންނެވީ ވިލިމާލޭގައި ހުންނަ ކުޑަކުދީންގެ ހިޔާގެ ސީއީއޯގެ މަގާމުގަ އެވެ. ނަމަވެސް މިދިޔަ ޖެނުއަރީ މަހުގައި އޭނާ ވަނީ އެމަގާމުގެ މަސްއޫލިއްޔަތުތަކުން ދުރުކޮށްފަ އެވެ.
ކުރިން އެ މާގާމުގައި ހުންނެވި އަބްދުއްޝުކޫރޫ އޭނާގެ މަސްއޫލިއްޔަތުތަކުން ދުރުކުރީ، ހިއުމަން ރައިޓްސް ކޮމީޝަން (އެޗްއާރުސީއެމް) އިން ބަލަމުންދާ މައްސަލައަކާ ގުޅިގެން، އެ ކޮމިޝަންގެ އެންގުމަށް ކަމަށް ޖެންޑާ މިނިސްޓްރީއިން ވަނީ ކުރީން ބުނެފަ އެވެ.
ނަމަވެސް އެ މައްސަލައާ ގުޅޭ އިތުރު މައުލޫމާތެއް ހިއްސާކޮށްފައެއް ނުވެ އެވެ.
އަބްދުއްޝުކޫރަކީ ސްރީލަންކާގެ ނެޝަނަލް އިންސްޓިޓިއުޓް އޮފް އެޑިއުކޭޝަން އިން މާސްޓާ އޮފް ސައިންސް އިން އެޑިއުކޭޝަން ލީޑަޝިޕް އެންޑް މެނޭޖްމަންޓް ސެޓިފިކެޓް ހާސިލުކުރައްވާފައިވާ ބޭފުޅެކެވެ. އޭނާ އަކީ 26 އަހަރު މުއްދަތަކަށް ތައުލީމީ ދާއިރާގައި ހިދުމަތްކުރައްވާފައިވާ ބޭފުޅެކެވެ.