23 Dec 2019, 09:48
ބޮލީވުޑްގެ އެންމެ ޑިމާންޑް ބޮޑު ބަތަލު ވަރުން ދަވަން 32، މިހާރު ކައިވެންޏަށް ތައްޔާރުވެއްޖެ ކަމަށް ހަބަރުތައް ބުނެފި އެވެ.
ވަރުން މިހާރު ކައިވެނިކުރުމަށް ތައްޔާރުވަމުން އަންނަ އިރު އޭނާ ކައިވެނިކުރާނީ އަންނަ އޭޕްރިލް މަހުކަމަށް ހަބަރުތައް ބުނެ އެވެ.
އޭޕްރީލް މަހަކީ ވަރުންގެ އުފަންދުވަސް އަންނަ މަސްވެސްމެއެވެ.
ވަރުން ލޯބީގެ ގޮތުން ގުޅިގެން އުޅެނީ ނަތާޝާ ދަލާލް 30، އާ އެވެ. ވަރުން އާއި ނަތާޝާ ދިމާވީ ކިޔެވި ދުވަސްވަރެވެ.
ވަރުން އާ ނަތާޝާގެ ކައިވެނި ފުރަތަމަ ކުރަން ހަމަޖެހިފައި އޮތީ ނޮވެމްބަރު މަހު އެވެ. ނަމަވެސް ވަރުން ފިލްމީ މަސައްކަތުގައި މާ ބުރަވުމުން ކައިވެނި ފަސްކޮށްލީ އެވެ.