20 Dec 2019, 11:13
ރާއްޖޭގެ ފަތުރުވެރިކަމުގެ ސިނާއަތުގައި ދޭ އެންމެ ޝަރަފުވެރި އެވޯޑް، މަޓާޓޯ މޯލްޑިވްސް ޓްރެވަލް އެވޯޑްސް 2019ގެ ގާލާ އެޑިޝަންގައި ލީޑިންގް ލޯކަލް ކެރިއާއަކަށް މޯލްޑިވިއަން ހޮވިއްޖެ އެވެ.
މޯލްޑިވިއަންއިން އެ އެވޯޑް ކާމިޔާބުކުރީ ވިލާ އެއާއާއި ޓްރާންސް މޯލްޑިވިއަން އެއާވޭސްއާ ވާދަކޮށްގެންނެވެ.
މޯލްޑިވިއަންއިން ލީޑިންގް ލޯކަލް ކެރިއާގެ އެވޯޑް ކާމިޔާބުކުރި އިރު، ސްރީލަންކަން އެއާލައިންސްއިން ވަނީ ލީޑިންގް އިންޓަނޭޝަނަލް ކެރިއާގެ އެވޯޑް ދިފާއުކޮށްފަ އެވެ.
ލީޑިންގް ލޯ ކޮސްޓް ކެރިއާގެ އެވޯޑް ކާމިޔާބުކުރީ އެއާ އޭޝިއާއިންނެވެ. އަދި ލީޑިންގް އެއާޕޯޓް/ ސިޓީ ހޮޓެލް އެވޯޑް ހާސިލުކުރީ ހުޅުމާލޭގައި ހުންނަ އެއާޕޯޓް ބީޗް ހޮޓެލްއިންނެވެ.
ޓްރެވަލް އެވޯޑްސްގައި އެވޯޑް ލިބޭ ފަރާތްތައް ހޮވަނީ އާންމުންގެ ވޯޓަކުންނާއި އެކަމަށް ކަނޑައަޅާފައިވާ ޖަޖުންގެ މާކްސްއަށް ބެލުމަށްފަހުގަ އެވެ.