Last Updated: 6 year 12 month ago
Last Updated:
6 year 12 month ago
ދައުލަތުން އެދެނު ގޮތަށް ފަސް އަހަރުގެ ޖަލު ހުކުމެއް ކަނޑައަޅައި ޝަރީއަތް ނިންމާލައިފި
ކުރީގެ ރައީސް އަބްދުﷲ ޔާމީންގެ މައްޗަށް ދައުލަތުން މަނީލޯންޑްރިންގެ ދައުވާއެއް އުފުލީ، ފެބުރުއަރީ 13ގަ އެވެ. ޝަރީއަތް ކުރިމިނަލް ކޯޓްގައި ފެށީ، އޭޕްރިލް 25ގަ އެވެ.
މަނީލޯންޑްރިންގެ ދައުވާ އެމަނިކުފާނުގެ މައްޗަށް އުފުލީ؛ އެމްއެމްޕީއާރްސީ މެދުވެރިކޮށް، ގއ. ވޮޑަމުލާ ދޫކޮށްގެން ދައުލަތަށް ލިބެން ޖެހޭ އެއް މިލިއަން ޑޮލަރު އެމަނިކިފާނުގެ އަމިލަފުޅު އެކައުންޓަށް ޖަމާކޮށް، އެ ފައިސާ ލޯންޑާ ކުރި ކަމުގެ ތުހުމަތުގަ އެވެ. އަދި އެ ފައިސާގެ އަސްލު އޮޅުވާލުމުގެ ތުހުމަތުވެސް ކޮށްފައިވެ އެވެ.
މައްސަލައިގެ ޝަރީއަތް ފަށާނީ މިއަދު މެންދުރު 1:30ގަ އެވެ.
ރައީސް ޔާމީން ކޮޅަށް ތެދުވެ ވަޑައިނުގެންނެވި
ޝަރީއަތް ކުޑަވަގުތު ކޮޅަކަށް މެދުކަނޑާލުމަށް ފަހު، ފަނޑިޔާރު ބޭފުޅުން ނިކުމެ ވަޑައިގަންނަވަން ފެށުމުން ކޯޓްގެ ގަވާއިދުގައިވާ ގޮތުގެ މަތިން ޝަރީއަތުގެ މަޖިލީހުގައި ތިއްބެވި ހުރިހާ ބޭފުޅުން ވެސް ކޮޅަށް ތެދުވަޑައިގަތް. އެހެން ނަމަވެސް، ރައީސް ޔާމީން ކޮޅަށް ތެދުވެ ވަޑައި ނުގެންނެވި. ކޯޓްގެ ގަވާއިދުގައިވާ ގޮތުން އަދި ޝަރީއަތް ފެށުމުގެ ކުރިން އިއްވާ އުސޫލުތަކުގައިވާ ވެސް ވާގޮތުން، އެއީ ކޯޓްގެ ހުރުމަށް ކެނޑޭނެ ފަދަ ކަމެއް. އަދި އެފަދަ ހާލަތުގައި ވަގުތުން އަދަބު ކަނޑައެޅުމުގެ ބާރު ފަނޑިޔާރަށް ލިބިގެންވޭ.
ޝަރީއަތުގެ މަޖިލިސް ތެރެއިން --
ޝަރީއަތުގެ މަޖިލިސް ފަށައިފި
ފޮޓޯއިން: ސަޕޯޓަރުން ކުރިމިނަލް ކޯޓް ސަރަހައްދުގައި
ރައީސް ޔާމީންގެ ސަޕޯޓަރުން ދަނީ ގާޒީ އަލީ ރަޝީދު ހައްޔަރު ކުރުމަށާއި ސިޔާސީ ޝަރީއަތްތައް ހުއްޓާލުމަށް ގޮވާލަމުން.
ޔާމީންގެ ޝަރީއަތް ފެށުމަށް ތައްޔާރުވެފައިވާއިރު އެމަނިކުފާނުގެ ސަޕޯޓަރުން ކްރިމިނަލް ކޯޓު ބޭރުގައި --- ސަން ފޮޓޯ: ފަޔާޒު މޫސާ
ޔާމީންގެ ޝަރީއަތް ފެށުމަށް ތައްޔާރުވެފައިވާއިރު އެމަނިކުފާނުގެ ސަޕޯޓަރުން ކްރިމިނަލް ކޯޓު ބޭރުގައި --- ސަން ފޮޓޯ: ފަޔާޒު މޫސާ
ޔާމީންގެ ޝަރީއަތް ފެށުމަށް ތައްޔާރުވެފައިވާއިރު ފުލުހުންގެ ވެހިކަލެއް ކްރިމިނަލް ކޯޓު ބޭރުގައި --- ސަން ފޮޓޯ: ފަޔާޒު މޫސާ
ޔާމީންއަށް ސަޕޯޓަރުންގެ ހިތްވަރު
ޔާމީން ޝަރީއަތަށް ވަޑައިގަތުމަށް ގެއިން ނިކުމެ ވަޑައިގަތް ވަގުތު އެމަނިކުފާނުގެ ސަޕޯޓަރުން އެމަނިކުފާނުގެ ގެކޮޅު ސަރަހައްދަށް އެއްވި. ރައީސް ސަޕޯޓަރުން ވަނީ ހިތްވަރު ދީފައި. އެމަނިކުފާނު ހިނިތުންވެ ހުންނަވާ ސަޕޯޓަރުންނަށް އިޝާރާތް ކުރެއްވި. އެމަނިކުފާނުގެ ސަޕޯޓަރުން ވަނީ ކުރިމިނަލް ކޯޓް ސަރަހައްދަށް ވެސް އެއްވެފައި.
ކުރީގެ ރައީސް ޔާމީން ކޯޓަށް ވަޑައިގަތުމުގެ ކުރިން ސަޕޯޓަރުންނާ ސަލާމް ކުރައްވަނީ --- ސަން ފޮޓޯ: ފަޔާޒު މޫސާ
ކުރީގެ ރައީސް ޔާމީން ކޯޓަށް ވަޑައިގަތުމުގެ ކުރިން ސަޕޯޓަރުންނާ ސަލާމް ކުރައްވަނީ --- ސަން ފޮޓޯ: ފަޔާޒު މޫސާ
ކުރީގެ ރައީސް ޔާމީން ކޯޓަށް ވަޑައިގަތުމުގެ ކުރިން ސަޕޯޓަރުންނާ ސަލާމް ކުރައްވަނީ --- ސަން ފޮޓޯ: ފަޔާޒު މޫސާ
ރައީސް ޔާމީންގެ ވަކީލުން ކޯޓަށް ވަޑައިގަންނަވަނީ --- ސަން ފޮޓޯ: ފަޔާޒު މޫސާ
ޔާމީން ކޯޓަށް ވަޑައިގެންފި
ރައީސް އަބްދުﷲ ޔާމީންގެ މައްޗަށް ކޮށްފައިވާ މަނީލޯންޑްރިންގެ ދައުވާގެ ހުކުމް އިއްވުމަށް މިއަދު ކުރިމިނަލް ކޯޓްގައި ބާއްވާ އަޑުއެހުމަށް ރައީސް ޔާމީން އާއި އޭނާގެ ވަކީލުން މިހާރު ވަނީ ކުރިމިނަލް ކޯޓަށް ވަޑައިގެންގެންފައި.