Last Updated: 6 year 2 month ago

Last Updated:
6 year 2 month ago

ވޯލްޑްކަޕް ކޮލިފައިން: ވަރުގަދަ ސީރިއާ އަތުން ރާއްޖެ ހަނިގޮތަކަށް ބަލިވެއްޖެ

    ބުލޮގު ޚުލާސާ

    ވޯލްޑް ކަޕް ކޮލިފައިންގެ ގުރޫޕް އޭ ގައި މިރޭ ދުބާއީގެ ރާޝިދު ސްޓޭޑިއަމްގައި ސީރިއާ އާއި ރާއްޖެ ކުޅޭ މެޗު ފެށީ މިރޭ ރާއްޖެ ގަޑިން އިރުއޮއްސި 7:00 ގަ އެވެ.

    އެ މެޗަށް ރާއްޖެ އަދި ސީރިއާ ނުކުންނަ އިރު ދެ ޓީމަށް ވެސް ވަނީ ތިން ޕޮއިންޓް ލިބިފަ އެވެ. އެހެން ކަމުން މިރޭގެ މެޗަކީ ތާވަލުގެ ދެވަނައިގެ ޖާގައެއް ކަށަވަރު ކުރުމަށް ދެ ޓީމަށް ވެސް ވަރަށް މުހިއްމު މެޗެކެވެ.

    ރާއްޖޭން ވަނީ 2012 ވަނަ އަހަރު އިންޑިއާގައި އޮތް ނެހްރޫ ކަޕްގައި ސީރިއާ އަތުން 2-1 އިން މޮޅުވެފަ އެވެ. ދަގަނޑޭގެ ގޯލުން ރާއްޖެ ލީޑުނަގާފައިވަނިކޮށް ސީރިއާ އަށް އެއްވަރުކޮށްދިނީ މެޗުގެ 81 ވަނަ މިނިޓްގައި އަލާ ޝިބްލީ އެވެ. ރާއްޖެ މޮޅުވީ އިތުރު ވަގުތުގައި އަހުމަދު ރަޝީދު (އައްމަޑޭ) ވައްދާލި ގޯލުންނެވެ.

    މިރޭގެ މެޗުގައި އަނިޔާގެ ސަބަބުންނާއި ސަސްޕެންޝަނުގެ ސަބަބުން ކުރީ މެޗުގެ ފުރަތަމަ އެގާރައިގައި ހިމެނުނު ބައެއް ކުޅުންތެރިން މިރޭގެ މެޗުގައި ނުކުޅެވޭނެ އެވެ. އެގޮތުން ޓީމުގެ ކެޕްޓަން އަކްރަމް އަބްދުލް ޢަނީ އަދި ފޯވާޑް އިބްރާހިމް މަހުދީ މިރޭގެ މެޗުގައި ނުކުޅޭނެ އެވެ.

    މިރޭގެ ފުރަތަމަ އެގާރަ މިހާރު އިއުލާން ކޮށްފައިވާ އިރު، އަލީ އަޝްފާގު (ދަގަނޑޭ) ފުރަތަމަ އެގާރައިގައި ހިމަނާފައެއް ނުވެ އެވެ.

    ރާއްޖެ ޓީމުގެ ފުރަތަމަ އެގާރަ:

    1. ސަމޫހް އަލީ (2)

    2. ނޫމާން (3)

    3. ހުސައިން ޝިފާއު ޔޫސުފް (4)

    4. މުހައްމަދު އިރުފާން (5)

    5. އައިސަމް އިބްރާހިމް (8)

    6. ހަމްޒާ މުހައްމަދު (10)

    7. ހަސަން ނާއިޒް (16)

    8. މުހައްމަދު ނާއިމް (11)

    9. ހައިޝަމް ހަސަން (20)

    10. މުހައްމަދު ފައިސަލް (ކެޕްޓަން) (22)

    11. ހުސައިން ނިހާން (23)

    20:53

    "90+4 - މެޗު ނިމުނީ. ސީރިއާ 2 - ރާއްޖެ 1

    20:49

    ރާއްޖޭގެ ގޯލް ކީޕަރު ފައިސަލްގެ ޑަބަލް ސޭވް އެއް.

    20:46

    "90 - އިތުރު ވަގުތުގެ ހަތަރު މިނަޓު ރެފްރީ ދައްކައިފި

    20:45

    ސީރިއާއަށް ލިބުނު ކޯނަރު ބޮލުން ޖެހީ ކެޕްޓަން އަލްސޯމޯ.

    20:43

    "86 - ސީރިއާގެ ކެޕްޓަން އަލްސޯމޯ ނުރައްކާތެރި ހަމަލާއެއް ފޮނުވާލައިފި. ބޯޅަ ދިޔައީ ދަނޑި ކައިރިން ލައިފަ ބޭރަށް.

    20:40

    މެޗުގެ ފަހުކޮޅަށް އަޅާލި އިރު ދެ ޓީމުގެ ފަރާތުން ވެސް ވަރަށް ބޮޑަށް ވަރުބަލިކަން ފާހަގަ ކުރެވޭ.

    20:40

    ނިހާޓުގެ ބަދަލުގައި އަޔާޒް އަހްމަދު ކުޅެން ނުކުމެއްޖެ.

    20:38

    "81 - ރާއްޖެއަށް ހިލޭ ޖެހުމެއް.

    20:37

    ސީރިއާ އަލުން އަނބުރާ ކުޅުމުގެ ތެރެއަށް އައިސް ރާއްޖޭގެ ގޯލަށް ނުރައްކާ ކުރަން ފަށައިފި

    20:37

    "78 - އަސަދުﷲ އަށް ގޯލު ޖަހާނެ ރަނގަޅު ފުރުސަތެއް.

    20:35

    ފުރިހަމަ ވަގުތު ހަމަވާން ބާކީ 12 މިނަޓު. ސީރިއާ 2 - ރާއްޖެ 1

    20:34

    ސީރިއާއިން ރާއްޖޭގެ ގޯލަށް ނުރައްކާ ކުރުމަށް މަސައްކަތް ކުރަނީ ހުރަސްތަކުން.

    20:31

    ރާއްޖޭގެ ކީޕަރި ފައިސަލް އަދި ސީރިއާގެ ފޯވާޑް އޮމަރް އަލް މިދަނީއަށް ރީންދޫ ކާޑު.

    20:31

    "72 - ސީރިއާއަށް ކޯނަރެއް.

    20:30

    "70-ރާއްޖެއިން ވަރަށް ބޮޑު ތަނުން ކުޅުން ރަނގަޅު ކޮށްފި.

    20:28

    ސީރިއާ ކުޅެމުން ދަނީ އެއް ކުޅުންތެރިއަކު މަދުކޮށް. އެކަމުގެ ފައިދާ ނަގައިގެން ރާއްޖެ ކުޅުމަށް މަސައްކަތް ކުރަނީ.

    20:28

    ގޯލު ޖެހީ އަލީ އަޝްފާގު ދަގަނޑޭ.

    20:27

    '69 - ރާއްޖެ ގޯލު 1 - 2

    20:26

    ހަސަން ނާއިޒް (ދާދު) ގެ ބަދަލުގައި އަބްދުﷲ އަސަދުﷲ ކުޅެން ނުކުމެއްޖެ.

    20:26

    "67 - ރާއްޖެއަށް ކޯނަރެއް.

    20:25

    އަޝްފާގު ތިރިތިރިން ފޮނުވާލި ހިލޭ ޖެހުން ކީޕަރު ދިފާއު ކޮށްފި.

    20:24

    ރާއްޖެއަށް ސީރިއާ ގޯލު ކުރިމަތިން ހިލޭ ޖެހުމެއް.

    20:22

    ސީރިއާގެ ޑިފެންޑަރު އަލްސަލޭހް އަޝްފާގަށް ފައުލު ކުރުމުން ރަތް ކާޑު.

    20:19

    ރާއްޖެއިން ޓީމު ކުރިއަށް ޖައްސައިގެން ކުޅެން ފަށައިފި.

    20:19

    ނަގައިދިން ކޯނަރަކުން ގޯލަށް ބޯޅަ ފޮނުވާލީ ސީރިއާ ކެޕްޓަން އޮމަރް އަލްސޯމޯ.

    20:18

    "59 - ސީރިއާ ގޯލު. 0-2

    20:16

    "58 - ސީރިއާއިން ނުރައްކާތެރި ހަމަލާއެއް. އެ ޓީމުގެ ކެޕްޓަން އޮމަރް އަލްސޯމޯ ހުސްކޮށް ހުރެފައި ފޮނުވާލި ބޯޅަ ދަނޑި ކައިރިން ބޭރަށް.

    20:15

    ސީރިއާ ކުޅުންތެރިން ވަރަށް ބޮޑަށް މެޗު ޑިލޭ ކުރާކަން ފާހަގަ ކުރެވޭ. އެކަމާ ރާއްޖޭގެ ބެންޗުން ވެސް ޝަކުވާ ކުރަމުން އެބަދޭ.

    20:13

    "55 - ސީރިއާއިން ބަދަލެއް. މުހައްމަދު އަލްމާމޯގެ ބަދަލުގައި އޮސާމާ އޮމަރީ ވަނީ ކުޅެން ނުކުމެފައި.

    20:12

    ސީރިއާއިން ބޮޑަށް ފެންނަނީ ހުރަސް ކޮށްގެން ކުޅޭ މަންޒަރު. އެޓީމުގެ ކުޅުންތެރިންނަކީ އިސްކޮޅުން ދިގު ކުޅުންތެރިންތަކެއް.

    20:11

    މިރޭގެ މެޗަށް ސީރިއާއިން ނުކުތީ އެމީހުންގެ ރަސްމީ ރަތް ކިޓުގައި. ރާއްޖެއިން ނުކުތީ ނޫ ކުލައިގެ އަވޭ ޖާޒީގައި.

    20:10

    "52 - ސީރިއާއަށް ކޯނަރެއް.

    20:10

    "50 - ރާއްޖޭގެ ޒުވާން މިޑްފީލްޑަރު އައިސަމް ފޮނުވާލި ބޯޅަ ގޯލުގެ އަރިމަތުން ބޭރު

    20:07

    "92 - އައިސަމް އަށް ރީނދޫ ކާޑް

    20:04

    މި ހާފު ރާއްޖެއިން ފެށީ ބަދަލަކާ އެކު. މުހައްމަދު އިރުފާންގެ ބަދަލުގައި އަލީ އަޝްފާގު (ދަގަނޑޭ) ވަނީ ކުޅެން ނުކުމެފަ.

    20:03

    ދެވަނަ ހާފުގެ ކުޅުން ފެށިއްޖެ. ސީރިއާގެ ކޮށްޓުން

    20:01

    އަޝްފާގު ވަނީ މީގެ ކުރިން 2012 ވަނަ އަހަރު އިންޑިއާގައި އޮތް ނެހުރޫ ކަޕުގައި ސީރިއާ ކޮޅަށް ގޯލު ޖަހައިފަ. އެ މެޗުން ރާއްޖެ މޮޅުވީ 1-2 އިން.

    19:59

    މި މެޗަށްފަހު ރާއްޖެ ދެން ބައްދަލު ކުރާނީ ފިލިޕީންސްއާ. އެ މެޗު އޮންނާނީ އަންނަ މަހު 14 ވަނަ ދުވަހު މާލޭގައި.

    19:58

    މި ގުރޫޕުގައި ހިމެނޭ ޗައިނާއާއި ގުއާމް ވަނީ މިއަދު މެޗެއް ކުޅެފަ. އެ މެޗު 0-7 ގެ ނަތީޖާ އަކުން ކާމިޔާބު ކުރީ ޗައިނާ.

    19:57

    މިރޭގެ މެޗަކީ ސީރިއާ މިފަހަރުގެ ވޯލްޑް ކަޕު ކޮލިފައިންގައި ކުޅޭ ދެވަނަ މެޗު. ފުރަތަމަ މެޗުގައި އެ ޓީމު ވަނީ ފިލިޕީންސްއާ ވާދަކޮށް 2-5 ގެ ނަތީޖާ އަކުން މޮޅުވެފަ.

    19:56

    ފުރަތަމަ ހާފު އެއްކޮށް ޑޮމިނޭޓް ކޮށްގެން މޮޅަށް ކުޅުނީ ސީރިއާ. އެ ޓީމުން ވަނީ އެ ހާފުގައި ރާއްޖޭގެ ގޯލަށް ނުރައްކާތެރި ގިނަ ހަމަލާތަކެއް އުފައްދާފަ.

    19:55

    ރާއްޖޭގެ އެންމެ މޮޅު ކުޅުންތެރިޔާގެ މަގާމު 6 ފަހަރު ހޯދައި، އެންމެ ގިނަ ގޯލް ޖަހައިގެން 8 ފަހަރު ރަންބުޓޫ ހޯދައިފައިވާ ދަގަނޑޭ ދަނީ މިހާރުވެސް ކްލަބު ލެވެލްގައި މޮޅު ކުޅުމެއް ދައްކަމުން.

    19:55

    ދެވަނަ ހާފު ފެށުމަށް ދެ ޓީމު ވެސް ދަނޑަށް ނުކުމެއްޖެ.

    19:54

    ދެވަނަ ހާފުގައި އަލީ އަޝްފާގު (ދަގަނޑޭ) ދަނޑު މަތިން ފެނުން ގާތް.

    19:43

    "45+3 - ފުރަތަމަ ހާފްގެ ކުޅުން ނިމިއްޖެ. ރާއްޖެ 0، ސީރިއާ 1.

    19:41

    "42 - ރާއްޖޭގެ ޑިފެންޑަރު ހުސައިން އަހުސަމް މޫސާއަށް އަނިޔާވެގެން ފަރުވާދެނީ.

    19:40

    "40 - ސީރިއާއިން ނުރައްކާތެރި ކޯނަރެއް.

    19:35

    "36 - ސީރިއާގެ ޑިފެންޑަރު ރޯޝަން ޑޮންގްއަށް އަނިޔާވެގެން ފަރުވާ ދެނީ.

    19:34

    ސީރިއާ ކުޅުންތެރިން ގިނަ ހުރަސްތަކެއް ރާއްޖޭގެ އޭރިއާ ތެރެއަށް ނަގައިދެމުން ދާ އިރު ރާއްޖޭގެ ޑިފެންސުން އެ ބޯޅަތައް ދަނީ ހުއްޓުވަމުން.

    19:33

    ރާއްޖެއިން ޓީމު ކުރިއަށް ޖައްސައި ހަމަލާއެއް އުފެއްދޭތޯ މަސައްކަތް ކުރަން ފެށި ނަމަވެސް ބޯޅަ ކުރީގައި ނުހިފޭއްޓޭ.

    19:29

    "29 - ރާއްޖެއަށް ލިބުނު ހިލޭ ޖެހުން ހަމްޕު ފޮނުވާލި އިރު ދާދު ބޮލުން ޖެހި ބޯޅަ ހުރަސް ދަނޑި މަތިން ބޭރަށް.

    19:27

    ސީރިއާގެ ހިލޭ ޖެހުން ފޮނުވާލީ އެ ޓީމުގެ ކެޕްޓަން ޖަޔާ ގުރަންގް. އޭނާ ފޮނުވާލި ބޯޅަ ވަނީ ގޯލުގެ ތެރެއަށް ވަދެފައި.

    19:25

    "26 - ސީރިއާ ގޯލު 0 - 1

    19:22

    "25 - ޕެނަލްޓީ އޭރިއާ ކުރިމަތިން ސީރިއާއަށް ނުރައްކާތެރި ހިލޭ ޖެހުމެއް.

    19:20

    މި ގުރޫޕުގައު ކުޅުނު ފުރަތަމަ މެޗުން ރާއްޖެ ވަނީ ގުއާމް އަތުން މޮޅުވެފަ. އޭގެ ފަހުން ޗައިނާއާ ދެކޮޅަށް އަމިއްލަ ދަނޑުގައި ކުޅުން މެޗުން ވަނީ ބަލިވެފަ.

    19:19

    ރާއްޖޭގެ ހުރިހާ ކުޅުންތެރިން ވެސް ފަހަތުގައި މަޑުކޮށްލައިގެން ކުޅޭ އިރު އިދިކޮޅު ޓީމު ކުޅެނީ ޓީމު ކުރިއަށް ޖައްސައިގެން.

    19:16

    "16 - މެޗު ކޮންޓްރޯލް ކޮށްގެން ކުޅެނީ ސީރިއާއިން. ލިބޭ ފުރުސަތުތަކުގައި ރާއްޖެއިން ވެސް ކައުންޓާ އެޓޭކް އުފައްދަން މަސައްކަތް ކުރޭ.

    19:11

    މިރޭގެ މެޗުގެ ލައިން އަޕް:

    19:05

    ސީރިއާއިން ފުލު ފުލުގައި ދެ ހަމަލާއެއް އުފައްދައިފި.

    19:04

    ސީރިއާއިން މެޗު ފެށީ ވަރުގަދަކޮށް. ރާއްޖެ ޓީމު ކޮންމެސް ވަރަކަށް ޕްރެޝަރުގައި.

    19:02

    މެޗު ފަށައިފި. ކިކް އޮފް ކުރީ ރާއްޖެއިން.