29 Jul 2019, 12:57
އައްޑޫގެ ސިއްހީ ހިދުމަތް ދޭ ހުރިހާ ތަންތަން އާސައިންދައިގެ "ވިނަވި" ޕޯޓަލްއިން މިމަހު ގުޅާލަން ނިންމައިފި އެވެ.
ވިނަވި އަކީ އާސަންދައިގެ ހިދުމަތުގެ ފެންވަރު ރަނގަޅުކޮށް ބަލިމީހާ މެމޯ ހައްދާ ހިސާބުން ފެށިގެން ފަރުވާ ނިމެންދެން ހުރިހާ ރެކޯޑްއެއް ފެންނަގޮތަށް ތައްޔާރުކޮށްފައިވާ ޕޯޓަލްއެކެވެ.
އެ ޕޯޓަލްގެ ހިދުމަތްތައް އައްޑޫގެ ސިއްހީ ތަންތަނުގައި ގާއިމްކުރުމަށް އިއްޔެ ވަނީ އާސަންދައިގެ ޓީމެއްވެސް އައްޑޫ ސިޓީއަށް ގޮސްފަ އެވެ. އަދި މިއަދު އެ ދަތުރު ނިމޭއިރު "ވިނަވި" ޕޯޓަލްގެ ހިދުމަތް ފެށޭނެ ކަަމަށްވެސް އާސަންދައިން ބުންޏެވެ.
އައްޑޫ ދަތުރުގައި އާސަންދަ ޓީމުން ވަނީ ހިތަދޫ ރީޖަނަލް ހޮސްޕިޓަލަސްގެ މުވައްޒަފުންނަށް ޕޯޓަލްއާ ގުޅޭ ގޮތުން ތަމްރީންދީ އަދި އައިޓީ ސޮފްޓްވެއާ ރޭ ވަނީ ގާއިމްކޮށްފަ އެވެ.
އޭގެ އިތުރުން އާސަންދަ ޓީމުން މިއަދު ވަނީ، އައްޑޫ ދަމަނަވެއްޓާއި، މަރަދޫ އަދި ފޭދޫ ސިއްހީ މަރުކަޒަށް ޒިޔާރަތްކޮށް އާސަންދަ ޕޯޓަލް ބޭނުންކުރުމުގައި ދިމާވާ މައްސަލަތައް ބަލާފަ އެވެ.
އާސަންދަ ޓީމުގެ މަސައްކަތްތައް ނިމިފައިވަނި ބޭނުންކުރަން ފެށުމުން އެ ޕޯޓަލް ސިއްހީ ހުރިހާ ތަނެއްގައި ބޭނުންކުރާ ފުރަތަމަ ސިޓީއަށް އައްޑޫ ވެގެންދާނެ އެވެ. ވިނަވި ޕޯޓަލް މިހާރުވެސް ހަ އަތޮޅެއްގެ ސިއްހީ ހުރިހާތަނެއްގައި ދަނީ ބޭނުންކުރަމުންނެވެ.