16 Jul 2019, 13:54
މޯލްޑިވްސް ޕޯޓްސް ލިމިޓެޑް އިން ތިން ތަނެއްގައި ވެންޑިން މެޝިން ބެހެއްޓުމަށް ނިންމައި، އެކަން ކޮށްދޭނެ ފަރާތެއް ހޯދަން އިއުލާނުކޮށްފިއެވެ.
ޕޯޓްސް އިން މިއަދު ކުރި އިއުލާނެއްގައި ބުނެފައި ވަނީ ވެންޑިން މެޝިން ބަހައްޓަން ނިންމާފައި ވަނީ މާލޭ ބަސްޓާމިނަލް އާއި ހުޅުމާލޭ އިންޓަރނޭޝަނަލް ޓާމިނަލް އަދި ޕޯޓް ބިލްޑިންގައި ކަމަށެވެ.
މި މަސައްކަތަށް ޝައުގުވެރިވާ ފަރާތްތަކުން މި މަހުގެ 24 ވާ ބުދަ ދުވަހުގެ ކުރިން ޕްރޮޕޯސަލް ހުށަހަޅަން ވަނީ ހުޅުވާލައިފައެވެ.
މީގެ ކުރިންވެސް މާލޭގައި ވަނީ ވެންޑިން މެޝިން ބަހައްޓާފައި ވާއިރު ފިނި ބުއިންތައް ލިބޭ އެމެޝިނަށް ގިނަބައެއްގެ ތަރުހީބު ލިބުނެވެ.