07 Jul 2019, 11:48
ރައީސުލްޖުމްހޫރިއްޔާގެ އޮފީހުގެ ސިޔާސީ މަގާމަކަށް މުހައްމަދު މަބްރޫކު އަޒީޒް އައްޔަނު ކުރައްވައިފިއެވެ.
ރައީސް އޮފީހުގެ ތަރުޖަމާނު އިބްރާހިމް ހޫދު ވިދާޅުވީ އެ އޮފީހުގެ ކޮމިޔުނިކޭޝަންސް އަންޑާސެކްރެޓަރީގެ މަގާމަށް މަބްރޫކު އައްޔަނު ކުރެއްވީ ބުރާސްފަތި ދުވަހު ކަމަށެވެ.
މަބްރޫކް ވަނީ އެންމެ ފަހުން ބޭއްވި އާންމު އިންތިހާބުގައި ވ. ފެލިދޫ ދާއިރާ އަށް ވާދަކުރައްވައިފައެވެ. އެ ދާއިރާގެ އިންތިހާބު މަބްރޫކް އަށް ނާކާމިޔާބުވީ 54 ވޯޓުގެ ތަފާތުންނެވެ.
ރައީސް އިބްރާހިމް މުހައްމަދު ސޯލިހު ބުރާސްފަތި ދުވަހު ވިދާޅުވީ މި ސަރުކާރުގެ ސިޔާސީ މަގާމުތައް ކުރީ ސަރުކާރަށްވުރެ އިތުރު ނުވާނެ ކަމަށެވެ. ބުރާސްފަތި ދުވަހުގެ ނިޔަލަށް ސަރުކާރުގެ ސިޔާސީ މަގާމުތަކުގެ އަދަދަކީ 337 ކަމަށް ރައީސް ވިދާޅުވިއެވެ.