17 Jun 2019, 22:42
ފިޝަރީޒް މިނިސްޓްރީގެ އެކްޒެކްޓިވް ޑިރެކްޓަރަކަށް ރ. މަޑުއްވަރީ، ހުސްނޫވިލާ، ނަސްރުﷲ ހުސައިން އައްޔަންކޮށްފިއެވެ.
ރައީސް އޮފީހުން މިއަދު އޭނާއަށް ފޮނުވާފައިވާ ސިޓީގައި ވަނީ ނަސްރުﷲ އެ މަގާމަށް މިއަދުން ފެށިގެން އައްޔަނުކޮށްފައިވާ ކަމަށެވެ.
ނަސްރުﷲ މީގެ ކުރިން ވަނީ ރ. މަޑުއްވަރީ ކައުންސިލް މެމްބަރުކަން ވެސް ކުރައްވާފައެވެ.
އެ މަގާމަކީ ކުރީގެ ރައީސް އަބްދުﷲ ޔާމީން އަބްދުލް ގައްޔޫމްގެ ވެރިކަމުގައި ތިއްބެވި އެގްޒެކެޓިވް ކޯޑިނޭޓަރުން ފަދަ މަގާމެކެވެ.
އެކި މިނިސްޓްރީތަކަށް ވަނީ އެގްޒެކެޓިވް ޑިރެކްޓަރުން އައްޔަން ކޮށްފައެވެ. އެ މަގާމު ދީފައި ވަނީ ޖުމްލަ ކިތައް މީހުންނަށް ކަމެއް އަދި ސާފެއް ނުވެއެވެ.