ރައްޔިތުންގެ މަޖިލީހުގެ ނައިބު ރައީސަކަށް އެމްޑީޕީން ހުށަހަޅާ ނަމަކަށް ފާސްކޮށްފައިވަނީ ގަލޮޅު އުތުރު ދާއިރާގެ މެމްބަރު އީވާ އަބްދުﷲ

ހާޒިރުވި 64 މެމްބަރުންވެސް ވަނީ އީވާ މަޖިލީހުގެ ނައިބު ރައީސަކަށް ގެނައުމަށް ވޯޓު ދީފަ

މަޖިލިސް ރައީސަކަށް ނަޝީދުގެ ނަން ފާސްވެއްޖެ

ރައީސް ނަޝީދު މަޖިލިސް ރައީސަކަށް ގެނައުމަށް ފާސްވީ ހާޒިރުވެ ވޯޓުދިން 64 މެމްބަރުންގެ އިއްތިފާގުން

ރައީސް ނަޝީދުގެ ނަން މަޖިލިސް ރައީސަކަށް ހުށަހެޅުއްވުން އެކަން ނަޝީދު ގަބޫލުފުޅު ކުރައްވައިފި

ބައްދަލުވުން މެދުކަނޑާލީ ނަޝީދުގެ ގާތް ރަހުމަތްތެރިއަކާ ފޯނު ކޯލެއް ކުރެއްވުމަށް

އަފީފްގެ ތާއީދު ނަޝީދުގެ ނަމަށް

ނަޝީދު މަޖިލިސް ރައީސް ކަމަށް ހޮވަން އަފީފް ވެސް ތާއީދު ކުރައްވައިފި. އަފީފް ވިދާޅުވީ، ހަމަނުޖެހުން އުފެދުމަށް ޖާގަ ދޭން ބޭނުން ނުވާ ކަމަށް.

"އާދޭހާ އެކު އަޅުގަނޑުމެންގެ ހުށަހެޅުން ގަބޫލު ކުރައްވާ،" އަފީފް ވިދާޅުވި އެވެ. އޭނާ ވިދާޅުވީ އެކަން އޭނާ ކުރަނީ ވަރަށް ވެސް ވިސްނަވާފައި ކަމަށް.

މަޖިލިސް ރައީސް ކަމަށް ނަޝީދުގެ ނަން

އަސްލަމް ވިދާޅުވީ، މަޖިލިސް ރައީސްގެ ރޭހުގެ ވާދަވެރިކަން ބޮޑުވެ ޕާޓީގެ ތެރޭގައި ބައިބައިވުން އުފެދެން ފަށާފައިވާ ކަމަށް. އަދި އެއީ އެކަން ވާން ބޭނުންވާ ގޮތް ނޫން ކަމަށް. އަސްލަމް ވަނީ، އެމްޑީޕީގެ ރައީސް މުހައްމަދު ނަޝީދުގެ ނަން މަޖިލިސް ރައީސް ކަމަށް ހުށަހަޅުއްވާފައި.

އަސްލަމްގެ ނަން އިވާ ހުށަހަޅުއްވައިފި

އަސްލަމްގެ ނަން އިވާ ހުށަހަޅުއްވައިފި. އިލްޔާސް ލަބީބު އެ ނަމަށް ތާއީދު ކުރައްވައިފި

އެމްޑީޕީއިން ވިޕްލައިން ނެރޭނެ، ބޭފުޅެއްގެ ވޯޓް ނަގާނީ ފާޅުގައި

މަޖިލިސް ރައީސް އާއި ނައިބު ރައީސްގެ މައްސަލައިގައި އެމްޑީޕީއިން ވިޕްލައިން ނެރެން ފާސްކޮށްފި. އަދި ވިޕްލައިން އަޅާނެ ބޭފުޅެއްގެ ނަން، ސިއްރު ވޯޓެއް ނަގައިގެން ފާސްކުރަން ތާއީދެއް ނުލިބުނު. އެހެންވެ ވޯޓް ނަގާނީ އަތް މައްޗަށް ނަގައިގެން ފާޅުގައި.

ރައީސް ނަޝީދުގެ ނަން މަޖިލިސް ރައީސަކަށް ހުށަހެޅުއްވުން އެކަން ނަޝީދު ގަބޫލުފުޅު ކުރައްވައިފި

ބައްދަލުވުން މެދުކަނޑާލީ ނަޝީދުގެ ގާތް ރަހުމަތްތެރިއަކާ ފޯނު ކޯލެއް ކުރެއްވުމަށް

"މިރޭ އަޅުގަނޑުމެން ވޯޓުލުމުގެ ތިން އައިޓަމެއް ކުރިއަށް ގެންދާނަން. ފުރަތަމަ ވޯޓު ނަގާނީ ވިޕްލައިނެއް އަޅަން ފެނޭތޯ ނުވަތަ ނުފެނޭތޯ. ވިޕްލައިނެއް އަޅަން ފެނިއްޖެ ނަމަ އެ ވިޕްލައިން އަޅަނީ ކޮން މެމްބަރަކަށް ވޯޓު ދިނުމަށްތޯ ވޯޓަކަށް އެހޭނެ"އެމްޑީޕީގެ ރައީސް މުހައްމަދު ނަޝީދު

ނަޝީދުގެ ރިޔާސަތުގައި ޖަލްސާ ފަށައިފި

އެމްޑީޕީގެ އިންތިހާބީ މެންބަރުންގެ މެދުގައި ބާއްވާ ޖަލްސާ، ރައީސް ނަޝީދުގެ ރިޔާސަތުގައި ފަށައިފި. ނަޝިދު އިއުލާން ކުރެއްވި ގޮތުގައި މިއަދުގެ ޖަލްސާގައި ހިޔާލުފާޅުކުރެމެއް ނެތް އޮތީ ވޯޓްލުން. ނަޝީދު އިއުލާން ކުރެއްވި ގޮތުގައި އެޖެންޑާގައި އޮތީ؛

1. މަޖިލިސް ރައީސްގެ މައްސަލައިގައި އެމްޑީޕީއިން ވިޕްލައިނެއް ނެރޭނެތޯ ފާސްކުރުން.

2. ވިޕްލައިން އަޅަން ފާސްވެއްޖެ ނަމަ، އެ ވިޕްލައިން ދޭނެ ނަން ފާސްކުރުން އޮންނާނެ.

64 މެންބަރުން ޖަލްސާއަށް ވަޑައިގެން އެބަ ތިއްބެވި.

މެންބަރުންގެ ތެރެއިން މިވަގުތު ވަޑައިގެން ތިއްބެވީ، 56 މެންބަރުން. އަދި ބައްދަލުވުން ނުފެށޭ.

އަފީފް އާއި އަސްލަމް ކައިރީގައި

އަސްލަމާއި ހަސަން އަފީފް ތިއްބެވީ ކައިރި ކައިރީގައި. ދެބޭފުޅުން ވެސް ސަލާމް ކުރައްވައި ވާހަކަ ދެއްކެވި، ޖުމްލަ 65 މެންބަރުން ތިއްބަވާ ޕީޖީ ގްރޫޕުން ގިނަ މެންބަރުން އަދި ހާޒިރު ނުވޭ. ރައީސް ނަޝީދުވެސް އަސްލަމާއި އަފީފްއާ އެކު ވާހަކަ ދެއްކެވި. ފެންނަނީ އެކުވެރި މާހައުލެއް.

އެމްޑީޕީ ޕާލިމެންޓްރީ ގުރޫޕުގެ ބައްދަލުވުން ފަށަން ނިންމާފައިވަނީ 9:30 ގައި