07 May 2019, 11:05
ބަނޑުގައި ވައިހެދި އެކަމުގެ ސަބަބުން އުނދަގޫތައް ކުރިމަތިވާ މީހުންނަކީ އަހަރެމެންގެ ތެރޭގައި ވެސް ގިނަ ބައެކެވެ. އެވަރެޖު ގޮތެއްގައި އެއީ ވަރަށް ހިތްދަތި ތަޖުރިބާ އެއްކަމާއި އެކަމުގެ ތަފާތު މައްސަލަތައް ނޭނގޭ ނުދެކޭ މީހަކު ދާދިމަދުވާނެ އެވެ.
ބަނޑުގައި އަތްއުނގުޅަމުން ގުދަށް ކަހަލަ ގޮތަކަށް އޮވެ ބަލިމީހާ ޑަކުޓަރު ކޮޓަރިއަށް ވަނެވެ. އިށީންނަން ގޮނޑި ދައްކާލުމުން އެ މީހާ ދެ ފަރާރަތަކަށް ލެކުވިލާފައި އެތާ އިށީންނަމުން ވައެއް ބޭރުކޮށްލި އަޑުއިވުނެވެ. އެއާ އެކު ޑަކުޓަރު އޭނާގެ މޭޒުމަތީ އެއް ފަރާތުގައި ހުރި ވަސްމީރު ކުރާ ފުޅިއަށް އޮބާލާ ފޫސްކޮށްލި އެވެ.
އޭރު ބަލިމީހާ އިނީ ފިސާރިގަޔާވެ ޑަކުޓަރު ބުނެފާނެ އެއްޗަކަށް ވިސްނަން ކަންފަތް ކޮޅަށް ޖަހައިގެނެވެ.
"ކިހިނެއްވަނީ؟"
"މީ ހަމަ ގޭސް. ވައިގަނޑެއް. އަނެއްހެން އެއްވެސް އުނދަގުލެއްނުވޭ. ވާ ކަމަކީ ވައިބޭރުވާ އަޑު ނީވެނީ. ނުބައި ވަހެއްވެސް ނުދުވާ. އެކަމާ މިއައީ. ވަރަށް އުނދަގޫވޭ ޑަަކުޓަރު."
ޑަކުޓަރު އިތުރު ސުވާލެއް ނުކުރެ އެވެ. މޭގަޔާއި ބުރަކަށީގައި ކަށިގަނޑު ޖައްސާލާފައި ބޭސް ސިޓީލިޔެފައި ދިނީ އެވެ. އޭނާގެ ކަންފަތްކައިރީގައި ފަސް ދުވަހު މިބޭސް ކައިފާ އަންނާށޭބުނެ ފޮނުވާލީ އެވެ.
ފަސް ދުވަސް ފަހުން އެބަލިމީޙާ އައިސް ބުންޏެވެ. ޑަކުޓަރު، ކަލޭވަރަށް މޮޅެވެ. މިހާރު އެ އުނދަގޫ ނުވެސް ނެތޭބުނާވަރުވެއްޖެ އެވެ. ނުބައިވަސް ވެސް މިހާރު ދުވަ އެވެ. އަޑުވެސް އިވެ އެވެ.
ޑަކުޓަރު. "އަހަރެން ބޭސްކުރީ ކަލޭގެ ނޭފަތަށާއި ކަންފަތަށް. ރޯގާޖެހި ނޭފަތް ބެދިފަހުރުމާއި ކަލޭގެ ކަންފަތުތެރެ މުޅިންފުރިފައި ހުރީމަ ވަސް ވެސް ނުދުވީ. އަޑު ވެސް ނުއިވުނީ. ދެން ރަނގަޅުވާނެ."