04 May 2019, 22:41
އައްޑޫ ސިޓީ ހަންކެޑެ ނަމަކަށް ކިޔާ ފަޅުރަށުން އިންސާނެއްގެ ކަށިތަކެއް ފެނިއްޖެއެވެ.
ފުލުހުން ބުނީ އެރަށުން އިންސާނެއްގެ ކަށިތަކެއް ފެނުނު ކަމުގެ މައުލޫމާތު ފުލުހުންނަށް ރިޕޯޓުކޮށްފައި ވަނީ މިއަދު 15:45 އެހައިކަންހާއިރު ކަމަށެވެ.
އެކަށިތަކަކީ ދުވަސްވެފައިވާ ކަށިތަކެއް ކަމަށް ބެލެވޭ ކަމަށާއި އެ ސަރަހައްދަކީ ކުރީޒަމާނުގައި މީހުން ވަޅުލާފައިވާ ސަރަހައްދެއް ކަމަށް މައުލޫމާތު ލިބިފައިވާ ކަމަށް ވެސް ފުލުހުން ބުންޏެވެ.
ފުލުހުން ބުނީ އެ މައްސަލަ ތަހުގީގު ކުރަމުން އަންނަ ކަމަށެވެ.