02 May 2019, 20:49
މުހައްމަދު ޖަމީލް ދީދީ މިސްކިތް (ފައިފުހޭ މިސްކިތް) މިއަދު ހުޅުވައިފި އެވެ.
ކަސްޓަމްސް ސަރަހައްދުގައި ހުންނަ މާފަންނު ލައިނޫފަރު މަގުގައި ހުރި ކުޑަ އެ މިސްކިތް 2017 ވަނަ އަހަރު ތަޅާލައި، އެތަނުގައި އަމިއްލަ ފަރާތަކުން ބިނާކޮށްފައިވަނީ ހަތަރު ބުރީގެ މިސްކިތެކެވެ.
މިއަދު އަސުރު ނަމާދަށް އެ މިސްކިތް ހުޅުއްވައި ދެއްވީ އިސްލާމިކް އެފެއާޒް މިނިސްޓަރު ޑރ. އަހުމަދު ޒާހިރު އަލީ އެވެ.
އަންހެނުންނަށް ވަކިން ނަމާދު ކުރެވޭ ގޮތަށް ހުންނަ އެ މިސްކިތުގައި އެއް ފަހަރާ 1،300 މީހުނަށް ނަމާދު ކުރެވޭނެ އެވެ.
މާލޭގައި މިސްކިތެއް ހުޅުވާފައިވާއިރު ދާދި ފަހުން ވަނީ ވިލިމާލޭގައި މުޅިން އަލަށް މިސްކިތެއް ހުޅުވާފަ އެވެ. އެ މިސްކިތް ހުޅުއްވައި ދެއްވީ ރައިސުލްޖުމްހޫރިއްޔާ އިބްރާހިމް މުހައްމަދު ސޯލިހެވެ.