14 Apr 2019, 10:34
ޕާކިން ގަވައިދާ ހިލާފުވި 968 ވެހިކަލްގައި މިދިޔަ ހަފްތާ ސްޓިކާ ޖަހާފައިވާކަމަށް ފުލުހުން ބުނެފިއެވެ.
ފުލުހުން އާންމު ކޮށްފައިވާ ޓްރެފިކް މެނޭޖުމެންޓް ޑިޕާޓްމެންޓުގެ ތަފާސް ހިސާބުތައް ދައްކާގޮތުން މިދިޔަ ހަފްތާގައި 569 ވެހިލަކް ބަލާ ފާސްކޮށްފައި ވެއެވެ. ލައިސަންސް ކާޑު އަތުގައި ނެތި 59 ވެހިކަލެއް ދުއްވާފައިވާ ކަމަށާއި، އުޅަނދު ދުއްވުމުގެ ލައިސަންސް ނެތް 113 މީހަކު އެ މުއްދަތުގައި ފާހަގަވިކަމަށް ތަފާސް ހިސާބުތައް ދައްކައެވެ.
އުމުރުން 18 އަހަރުން ދަށުގެ ކުދިން އެއްގައު އުޅަނދު ދުއްވި ދެ މައްސަލައެއް މިދޔަ ހަފްތާ ފާހަގަވިއިރު، ދުއްވަން ކަނޑައަޅާފައިވާ ސްޕީޑަށްވުރެ ބާރަށް ދުއްވި 14 މައްސަލައެއްވެސް މިދިޔަ ހަފްތާގައި ވަނީ ފާހަގަ ކުރެވިފައެވެ.
ފުލުހުން އާންމު ކުރި ތަފާސް ހިސާބުތައް ދައްކާގޮތުން މާލެ ސަރަހައްދުން މިދިޔަ ހަފްތާގައި 58 އެކްސިޑެންޓް ވަނީ ރިޕޯޓުކޮށްފައެވެ. މީގެ ތެރެއިން ހަތް އެކްސިޑެންޓެއްގައި މީހުންނަށް އަނިޔާ ވިކަމަށްވެސް ފުލުހުންގެ ތަފާސް ހިސާބުތައް ދައްކައެވެ.
މިިދިޔަ ހަފްތާގައި ފުލުހުން 17 ސައިލަކާއި އަށް ހަތަރު ފުރޮޅު ލީ އުޅަނދު ޓޯ ކުރިއިރު، ހެލްމެޓު ނާޅައި ދުއްވި ދެ މައްސަލައެއް ވަނީ ފާހަގަކުރެވިފައެވެ.