30 Mar 2019, 12:07
މަޝްހޫރު ތެލުގޫ ފިލްމު "އަރްޖުން ރެއްޑީ"ގެ ހިންދީ ރީމޭކް "ކަބީރު ސިންގ"ގެ ޝޫޓިން ކާމިޔާބު ކަމާއެކީ ނިންމާލައިފި އެވެ.
ސަންދީޕް ވަންގާ ޑައިރެކްޓްކުރާ އެ ފިލްމުގެ ލީޑު ތަރިންނަކީ ޝާހިދު ކަޕޫރު އަދި ކިއާރާ އަދުވާނީ އެވެ.
ފިލްމުގެ ޝޫޓިން ނިންމާލިކަން ކިއާރާ ވަނީ އޭނާގެ އިންސްޓަގްރާމް އެކައުންޓުގައި ހާމަކޮށްފަ އެވެ.
އަންނަ އަހަރުގެ ޖޫން 21ގައި ރިލީޒް ކުރަން ހަމަޖެހިފައިވާ ފިލްމުގެ މަންޒަރުތައް ނަގާފައި ވަނީ މުމްބާއީ އަދި ނިއު ދިއްލީގަ އެވެ.
"އަރްޖުން ރެއްޑީ"ގައި ފެނިގެން ދިޔައީ އަންހެން ކުއްޖެއްގެ ލޯބީގައި ޖެހި، އެކުއްޖާ ބޭވަފާތެރިވުމުން ކާމިޔާބު ޑޮކްޓަރެއްގެ ދިރިއުޅުން ބަނަވެގެންދިޔަ ގޮތެވެ. "ކަބީރު ސިންގް"ގެ ވާހަކަ ވެސް ބިނާކޮށްފައި ވަނީ އޮރިޖިނަލް ފިލްމާ އެއްގޮތަށް ކަމަށް ރިޕޯޓުތައް ބުނެ އެވެ.