26 Mar 2019, 09:09
ސަންޖޭ ލީލާ ބަންސާލީގެ ފިލްމު "ޕަދްމާވަތު"ގެ ކާމިޔާބަށް ފަހު ދީޕިކާ ޕަދުކޯން އާ ފިލްމަކަށް ސޮއިކޮށް އެ ފިލްމުގެ ޝޫޓިން ފަށައިފިއެވެ.
"ޗަޕާކް"ގެ ނަމުން ނަން ދީފައިވާ އެ ފިލްމަކީ އެސިޑު ހަމަލާއެއްގެ ޝިކާރައަކަށްވީ ލަކްޝްމީ އަގަރްވާލުގެ ހަޔާތުގެ މައްޗަށް ނެރޭ ފިލްމެކެވެ. އެ ފިލްމުގެ ފަސްޓް ލުކް މިހާރު ދައްކާލައިފައިވާއިރު ޕޯސްޓަރުގައި ދީޕިކާ ފެނިގެންދަނީވެސް ތަފާތުކޮށެވެ. އެސިޑުގެ ހަމަލާއަކަށް ދީޕިކާވެފައިވާ މަންޒަރު ފިލްމުގެ ޕޯސްޓަރުން ފެނެއެވެ.
A character that will stay with me forever...#Malti
Shoot begins today!#Chhapaak
Releasing-10th January, 2020.@meghnagulzar@foxstarhindi@masseysahibpic.twitter.com/EdmbpjzSJo— Deepika Padukone (@deepikapadukone)March 25, 2019
ދީޕިކާ އާއެކު ފިލްމުގައި ފެނިގެންދާނީ ވިކްރަންތު މެކްސޭ އެވެ. ވިކްރަންތު އެފިލްމުގައި ފެނިގެންދާނީ ލަކްޝްމީގެ ފިރިމީހާ އަލޯކް ޑިކްސިތުގެ ރޯލުންނެވެ.
ފިލްމު ސްކްރީނަށް އަންނަނީ އަންނަ އަހަރުގެ ޖަނަވަރީ މަހުގެ 10 ވަނަ ދުވަހުއެވެ.
އުމުރުން 28 އަހަރުގެ ލަކްޝްމީ އެސިޑްގެ ޝިކާރައަކަށްވީ އުމުރުން އެންމެ 15 އަހަރުގައެވެ. މިހާރު އޭނާ އަކީ އެސިޑު ހަމަލާތައް ހުއްޓުވުމަށް ތަފާތު ކެމްޕެއިންތައް ހިންގަމުން އަންނަ މީހެކެވެ.