25 Mar 2019, 11:24
ބިދޭސިންގެ ވޯކް ވިސާ އާ ކުރާއިރު ވޯކްވިސާ ފީގެ ގޮތުގައި ދައްކަންޖެހޭ 6000 ރުފިޔާ ދައްކަން ޖެހޭނެ ކަމަށް މޯލްޑިވްސް އިމިގްރޭޝަނުން ބުނެފިއެވެ.
އިމިގްރޭޝަނުން މިހެން ބުނީ "ރާއްޖޭގައި ވަޒީފާ އަދާކުރަމުން އަންނަ ބިދޭސީންގެ ވޯކް ވިސާ އާ ގުޅޭ ގަވައިދު" އަށް އިސްލާހު ގެނެސް ގަވައިދާ އެއްގޮތަށް ބަދަލުކުރުމުގައި ދައްކަންޖެހޭ ފީ ނުނަގާގޮތަށް ހަމަޖައްސައި އެ ގަވައިދު ގެޒެޓް ކުރުމަށްފަހު، އެ އިސްލާހު ގެޒެޓުން ނަގާފައި ވަނިކޮށެވެ.
އިމިގްރޭޝަނުން ބުނީ ގެޒެޓުން އިސްލާހު ނެގީ އިސްލާހު ގެެޓު ކުރެވުނު އިރު އިމިގްރޭޝަނުގެ މެންޑޭޓަށް ބަދަލު އައިސްފައިވާ ކަމަށާއި އިމިގްރޭޝަނުން ކުރަަމުން ދިޔަ ބައެއް މަސައްކަތްތައް އިކޮނޮމިކް މިނިސްޓްރީގެ ދަށަށް ބަދަލުކޮށްފައިވާ ކަމަށެވެ. އިމިގްރޭޝަނުގެ މެންޑޭޓަށް އައި ބަދަލާއެކު ވޯކް ވިސާ ގަވައިދަށް ގެނައި އިސްލާހުގައި ފުށުއެރުންތައް އެބަހުރި ކަމަށާއި އެހެންކަމުން އެ އިސްލާހު ބާތިލް ކުރަން ނިންމާފައިވާ ކަމަށް އިމިގްރޭޝަނުން ބުންޏެވެ.
އަދި ކުރިންވެސް އަމަލުކުރަމުންދިޔަ ގޮތަށް ބިދޭސީ މަސައްކަތްތެރިންގެ ވޯކް ވިސާފީ ދައްކަންޖެހޭނެ ކަމަށް އިމިގްރޭޝަނުން ވަނީ ބުނެފައެވެ.
ވޯކް ވިސަ ގަވައިދުގައި ބުނެފައީވަނީ ވައިދާ އެއްގޮތަށް ރާއްޖޭގައި މަސައްކަތްކުރާ ބިދޭސީންނަށް، އެ ހުއްދަ އަލުން ދިނުމުގެ އިހްތިޔާރު އިމިގްރޭޝަންގެ ކޮންޓްރޯލާ ޖެނެރަލަށް ލިބޭ ކަމަށެވެ. އަދި އެކަން ކުރުމަށް 6000 ރުފިޔާ ދައްކަން ޖެހޭ ކަމަށްވެސް ބުނެފައިވެއެވެ.
ގަވައިދާ ހިލާފަށް އުޅޭ ބިދޭސީ މަސައްކަތްތެރިން މަދު ކުރުމަށް އިމިގްރޭޝަނުން އަބަދުވެސް މަސައްކަތް ކުރާނެ ކަމަށް އެ މުވައްސަސާ އިން ބުންޏެވެ.
ބިދޭސީންނަށް ވަޒީފާގެ ހުއްދަ ދިނުމުގެ މަސައްކަތް މިހާރު ކުރަނީ އިކޮނޮމިކް މިނިސްޓްރީއިންނެވެ.