18 Mar 2019, 09:44
ރާއްޖެ އާއި އިންޑިއާއިން ތިން އެއްބަސްވުމެއްގައި ސޮއިކޮށްފި އެވެ.
މިހާރު ރާއްޖެވަޑައިގެން އުޅުއްވާ އިންޑިއާގެ އެކްސްޓާނަލް އެފެއާޒް މިނިސްޓަރު ސުޝްމާ ސުވަރާޖުގެ ދަތުރުފުޅުގެ ތެރެއިން މި ތިން އެއްބަސްވުމުގައި ސޮއިކޮށްފައި ވަނީ އިއްޔެ އެވެ.
ރާއްޖެ އާއި އިންޑިއާ އާ ދެމެދު ސޮއިކުރެވުނު އެއްބަސްވުންތަކަކީ ޑިޕްލޮމެޓިކް އަދި އޮފިޝަލް ޕާސްޕޯޓު ގެނގުޅޭ ފަރާތްތަކުގެ ވިސާގެ ކަންތައް ފަސޭހަ ކުރުމާއި އިއާދަކުރުވަނިވި ހަކަތައިގެ މަޝްރޫއެއްގެ އިތުރުން ޑިވެލޮޕްމެންޓް ކޯޕަރޭޝަނުގެ އެއްބަސްވުމެކެވެ.
#Indiaand#Maldivesadd new dimensions to age old ties by exchanging 3 agreements in the presence of FM@abdulla_shahidand ???????? External Affairs Minister@SushmaSwarajon visa facilitation for diplomatic & official passport holders, development cooperation, and renewable energypic.twitter.com/LFslM20B44
— MFA Maldives (@MDVForeign)March 17, 2019
ސުޝްމާގެ މި ދަތުރުފުޅުގެ ތެރެއިން އިއްޔެ ވަނީ ދެގައުމުގެ ޖޮއިންޓް މިނިސްޓީރިއަލް ބައްދަލުވުމެއް ވެސް ކުރިއަށް ގެންގޮސްފަ އެވެ. މި ބައްދަލުުވުވުމުގައި ދެގައުމުގެ ދެމެދުގައި ތަފާތު ދާއިރާތަކުން އެއްބާރުލުން ދިނުމާ ގުޅޭ ގޮތުން ވަނީ މަޝްވަރާކޮށްފަ އެވެ. އޭގެ ތެރޭގައި ސިއްހީ ދާއިރާ އާއި ވިޔަފާރި، އިގްތިސޯދު، ޑިފެންސް އަދި ކެޕޭސިޓީ ޑިވެލޮޕްމެންޓް ހިމެނެ އެވެ.
The relationship between Maldives and India is indeed special!
Minister@sushmaswarajand I held discussions today, on a wide range of issues. Very pleased on the progress made on the commitments announced during State Visit of President@Ibusolihpic.twitter.com/xOwOc62dPX— Abdulla Shahid ???? (@abdulla_shahid)March 17, 2019
ސުޝްމާގެ މި ދަތުރުފުޅުގައި އިއްޔެ ވަނީ ފޮރިން މިނިސްޓަރު އަބްދުﷲ ޝާހިދާ އެކު ބައިލެޓްރަލް މަޝްވަރާތައް ވެސް ކުރިއަށް ގެންގޮސްފަ އެވެ. މި މަޝްވަރާތަކާ ގުޅޭ ގޮތުން ފޮރިން މިނިސްޓަރު އަބްދުﷲ ޝާހިދު ވިދާޅުވީ މަޝްވަރާތައް ކުރިއަށްދިޔަ ގޮތާމެދު ހިތްހަމަޖެހިވަޑައިގެން ހުންނެވި ކަމަށެވެ.
މި ދަތުުފުޅުގައި ސުޝްމާ ވަނީ އިއްޔެ ރައްޔިތުންގެ މަޖިލީހުގެ ރައީސް ގާސިމް އިބްރާހިމާ ވެސް ބައްދަލު ކުރައްވައިފަ އެވެ. މި ދަތުރުފުޅުގައި ސުޝްމާ ރައީސް ސޯލިހުގެ އަރިހަށް އިހުތިރާމުގެ ޒިޔާރަތެއް ވެސް ކުރައްވަން ހަމަޖެހިފައިވެ އެވެ.