18 Mar 2019, 09:36
އިންދިރާގާންދީ މެމޯރިއަލް ހޮސްޕިޓަލް (އައިޖީއެމްއެޗު)ގެ އާބާތުރަ ފިލުވައިދިނުމުގެ މަޝްރޫއެއް ހިންގަން ނިންމައިފި އެވެ.
މި މަޝްރޫއު ކުރިއަށް ގެންދަން ނިންމާފައި ވަނީ އިންޑިއާގެ އެހީގަ އެވެ. އެ މަޝްރޫއު އިއްޔެ އިފްތިތާހުކޮށްދެއްވީ މިހާރު ރާއްޖެ ވަޑައިގެން އުޅުއްވާ އިންޑިއާގެ އެކްސްޓާނަލް އެފެއާޒް މިނިސްޓަރު ސުޝްމާ ސުވަރާޖެވެ.
އައިޖީއެމްއެޗަކީ އިންޑިއާ ސަރުކާރުގެ އެހީގައި ރާއްޖޭގައި ބިނާކުރި ހޮސްޕިޓަލެކެވެ. ސަރުކާރުގެ މައި ހޮސްޕިޓަލުގެ ގޮތުގައި ހިންގަމުންދާ އައިޖީއެމްއެޗުގެ އާބާތުރަ ފިލުވުމުގެ މަސައްކަތްތައް މީގެ ކުރިން ވެސް އިންޑިއާގެ އެހީގައި ވަނީ ކުރިއަށް ގެންގޮސްފަ އެވެ.
Her excellency Smt. Sushma Swaraj, Minister of External Affairs of India dedicates the renovation of Indira Gandhi Memorial Hospital to the people of Maldives on 17th March 2019.pic.twitter.com/TQMfSXH8Yl
— IGMH (@igmhmv)March 17, 2019
އިއްޔެ އިފްތިތާހުކުރި މި މަޝްރޫއާ ގުޅޭ ގޮތުން ރާއްޖޭގެ ފޮރިން މިނިސްޓްރީ އިން ބުނީ އައިޖީއެމްއެޗަކީ ރާއްޖެ އާއި އިންޑިއާ އާ ދެމެދު އޮންނަ ގާތް ގުޅުމުގެ ނިޝާނެއް ކަމަށެވެ. އައިޖީއެމްއެޗުގެ އާބާތުރަ ފިލުވުމުގެ މަޝްރޫއަކީ އިންޑިއާ އިން ރާއްޖެއަށްދޭ ހަދިޔާއެއް ކަމަށް ވެސް ފޮރިން މިނިސްޓްރީ އިން ބުންޏެވެ. ނަމަވެސް މި މަޝްރޫއުގެ ތަފްސީލެއް ހާމަކޮށްފައެއް ނުވެ އެވެ.
IGMH is an enduring symbol of friendship between the#Maldivesand#India.
External Affairs Minister@SushmaSwarajvisits@igmhmv, dedicates the renovation of IGMH to the people of Maldivespic.twitter.com/Ad90i7i0np— MFA Maldives (@MDVForeign)March 17, 2019