11 Mar 2019, 14:39
ލ. ކައްދޫއިން އެ އަތޮޅު މާމެންދޫއަށް ދަތުރު ކުރަމުންދިޔަ ޑިންގީއެއް ބަންޑުން ޖަހާލައި، ގެއްލުން 19 އަހަރުގެ އައިމިނަތު ޝިމާ ނާފިޒުގެ 16 އަހަރުގެ ކޮއްކޮ ގޮވައިގެން ޑިންގީއެއްގައި އިއްޔެ ދަނިކޮށް ކަނޑުމަތިން ހުއްޓުވައި ހައްޔަރު ކުރި ތިން މީހުންގެ ބަންދަށް 15 ދުވަސް ޖަހައިފި އެވެ.
އެ މައްސަލައާ ގުޅިގެން ހައްޔަރު ކުރި މީހުންގެ ތެރޭގައި ޝިމާ ގޮވައިގެން ދަތުރުކުރި އިބްރާހިމް ފަޒީލް ވެސް ހިމެނެ އެވެ.
ފުލުހުންގެ މީޑިއާ އޮފިޝަލަކު ވިދާޅުވީ، އެ މައްސަލާގައި ހައްޔަރުކޮށްފައި ވަނީ 22 އަހަރާއި 24 އަހަރު އަދި 26 އަހަރުގެ ތިން ފިރިހެނުން ކަމަށެވެ. އެ ތިން މީހުންގެ ބަންދަށް ވެސް 15 ދުވަސް ޖަހާފައިވާ ކަމަށް އޮފިޝަލު ވިދާޅުވި އެވެ.
މަންޒަރު ދުށް މީހަކު ބުނީ ޝިމާގެ އެއްބަނޑު އެއްބަފާ ކޮއްކޮ ގޮވައިގެން އެ ތިން މީހުން މާމެންދޫއިން ޑިންގީއެއްގައި ފުރީ މޫނު ނިވައިކޮށްގެން ކަމަށެވެ.