އީސީއަށް ހަބީބް އައްޔަނު ކުރުމަށް މަޖިލީހުން ފާސްކޮށްފި

06 Mar 2019, 13:39

އިލެކްޝަންސް ކޮމިޝަން (އީސީ)ގެ މެންބަރު ކަމަށް މިހާރު ވެސް އެ ކޮމިޝަނުގެ މެންބަރު އިސްމާއިލް ހަބީބް ހަމަޖެއްސުމަށް ރައްޔިތުންގެ މަޖިލީހުން ފާސްކޮށްފި އެވެ.

އީސީގެ މެންބަރު ހަބީބްގެ ދައުރު ހަމަވާތީ ކުރިމަތިލުމަށް ހުޅުވާލުމުން 16 ފަރާތަކުން ވަނީ ކުރިމަތިކައްވައިފަ އެވެ. އެ ނަންތައް ދިރާސާ ކުރެއްވި މަޖިލީހުގެ މިނިވަން މުއަސަސާތަކުގެ ކޮމެޓީން އެންމެ މަތިން މާކުސް ދީފައި ވަނީ ހަބީބް އަށެވެ.

މިނިވަން މުއައްސަސާތަކުގެ ކޮމެޓީ ރިޕޯޓްގައިވާ ގޮތުން އިސްމާއިލް ހަބީބަށް ލިބިވަޑައިގަތީ 90.28 ޕަސެންޓް މާކުސް އެވެ. ދެވަނަ އަށް އެންމެ ގިނަ މާކްސް ލިބިލެއްވީ އަހްމަދު މޫސާ އަށެވެ. އޭނާ އަށް ލިބިވަޑައިގަތީ 75.57 މާކުސް އެވެ.

އީސީއަށް ހަބީބް އައްޔަނު ކުރުމަށް 58 މެންބަރުން ވަނީ ވޯޓު ދެއްވި އެވެ.

މިއަދުގެ ޖަލްސާގައި ފުރަތަމަ ވޯޓަށް އެހީ ހަބީބުގެ ނަންފުޅަށެވެ. އަދި އެ ނަންފުޅު ފާސްވުމާ އެކު އިތުރު ނަންތަކަށް ރިޔާސަތުން ގާސިމް އިބްރާހީމް ވޯޓަކަށް ނާއްސަވަ އެވެ.

އިލެކްޝަން ކޮމިޝަންގެ ރައީސް ޝަރީފް (ކ) އާއި އެކު މެންބަރު ހަބީބު (މ) އަދި އަކްރަމް: ހަބީބަށް ރުހުން ދިނުމަށް - މެންބަރުން ވޯޓު ދެއްވި --