04 Mar 2019, 13:17
ސްކޫލުތަކުން މަދިރިއާއި އެކިއެކި ސޫފާސޫފި ނައްތާލަން މަސައްކަތްކުރުމަށް އެޑިއުކޭޝަން މިނިސްޓްރީން ސްކޫލުތަކަށް އަންގައިފިއެވެ.
އެޑިއުކޭޝަން މިނިސްޓްރީން ސްކޫލުތަކަށް ފޮނުވާފައިވާ ސާކިއުލާއެއްގައި ބުނީ ސްކޫލު މާހައުލަކީ ހުރިހާ ދަރިވަރުންނަށްވެސް ރައްކާތެރި މާހައުލަކަށް ހެދުމަކީ ސްކޫލުތަކާއި މިނިސްޓްރީގެ ޒިންމާއެއް ކަމަށެވެ. އެގޮތުން ސްކޫލުތަކުގައި މަދިރި އާލާވާ ތަންތަން ހޯދައި ބަލައި، ނައްތާލައި އަދި މަދިރިން ޖެހޭފަދަ ބަލިތަކުގެ މައުލޫމާތު ދަރިވަރުންނަށް ދޭން ޖެހޭ ކަމަށް ސާކިއުލާގައި ބުންޏެވެ.
"ޗިކުންގުންޏާއާއި ޑެންގީ ފަދަ ބަލިތައް ފެތުރެނީ މަދިރީގެ ޒަރީއާއިން ކަމަށްވާތީ ސްކޫލުތަކުން މިކަމަށް ސަމާލުވެ ދަރިވަރުންގެ ރައްކާތެރިކަމަަށްޓަކައި މިފަދަ ބަލިތަކުން ރައްކާތެރިވާނެ ގޮތުގެ ދަރިވަރުންނާއި ބެލެނިވެރިންނަށް ދެއްވުން އެދެމެވެ." މިނިސްޓްރީން ނެރުނު ސާކިއުލާގައި ވެއެވެ.
އަދި ސްކޫލުތަކުގެ ގޯތިތެރޭގެ އާންމު ސާފުތާހިރުކަމަށް ސަމާލުކަންދީ، ދިޔަދޮވި ފަދަ ތަންތަނާއި އަދި ފެން ހަރުލާނެ ފަދަ މުށި ގަސްތަކާއި އަދި ގޯތިތެރޭގައި ހުންނަ އެފަދަ ތަންތައް ގަވައިދުން ބަލާ ޗެކްުކުރުމަށް ވަނީ އިލްތިމާސްކޮށްފައެވެ.