01 Mar 2019, 21:10
ރާއްޖޭގެ ޚާރިޖީ ވަޒީރު އަބްދުﷲ ޝާހިދު، އިންޑިއާގެ އެކްސްޓާނަލް އެފެއާޒް މިނިސްޓަރު ސުޝްމާ ސުވަރާޖާ ބައްދަލު ކުރައްވައިފިއެވެ.
ޝާހިދު ސުޝްމާ އާ ބައްދަލު ކުރައްވާފައިވަނީ އޯއައިސީގެ ފޮރިން މިނިސްޓަރުންގެ ބައްދަލުވުމުގެ ހަވާސާގައެވެ. މި ބައްދަލުވުން ކުރިއަށް ދަނީ ޔޫއޭއީގެ އަބޫދާބީގައެވެ. ބައްދަލުވުމުގެ ޝަރަފްވެރި މެހެމާނެއްގެ ގޮތުގައި ބައިވެރިވެ ވަޑައިގަންނަވަނީ ސުޝްމާއެވެ.
Foreign Minister@abdulla_shahidmeets with Sushma Swaraj, Minister of External Affairs of India who participated as Guest of Honour at the#OICCFM46in Abu Dhabi.pic.twitter.com/UQUPe5bex0
— MFA Maldives (@MDVForeign)March 1, 2019
މި ބައްދަލުވުމާ ގުޅޭގޮތުން އިންޑިއާގެ އެކްސްޓާނަލް އެފެއާޒް މިނިސްޓްރީގެ ތަރުޖަމާނު ރަވީޝް ކުމާރު ކުރެއްވި ޓްވީޓެއްގައި ވިދާޅުވެފައިވަނީ ދެ މިނިސްޓަރުންގެ ބައްދަލުވުމުގައި ސަރަހައްދުގެ ސަލާމަތީ ކަންތައްތަކާ ގުޅޭގޮތުން މަޝްވަރާ ކުރެއްވި ކަމަށެވެ.
އަދި ރާއްޖޭގެ ރައީސުލްޖުމްހޫރިއްޔާ އިބްރާހިމް މުހައްމަދު ސޯލިހު އިންޑިއާ އަށްް ކުރެއްވި ދަތުރުފުޅުގައި ދެ ގައުމުން އެއްބަސްވެފައިވާ ކަންތައްތަކާ ގުޅޭގޮތުންވެސް މަޝްވަރާ ކުރެއްވި ކަމަށް އިންޑިއާގެ އެކްސްޓާނަލް އެފެއާޒް މިނިސްޓްރީ އިން ވަނީ ބުނެފައެވެ.
A close friend and a maritime neighbour
EAM@SushmaSwarajmet#MaldivesForeign Minister Abdulla Shahid on the sidelines of#OICForeign Ministers Meeting in#AbuDhabi. Discussed follow up to Maldives President's visit to India and exchanged views on the regional situation.pic.twitter.com/MOeYZaShxL— Raveesh Kumar (@MEAIndia)March 1, 2019
އެގޮތުން އެ ދަތުރުފުޅުގައި އެއްބަސްވެ މަޝްވަރާ ކުރެވުނު ކަންކަމުގެ މަސައްކަތްތައް ކުރިއަށްދާ ގޮތާ ބެހޭގޮތުން ދެބޭފުޅުން ވަނީ މައުލޫމާތު ހިއްސާ ކުރައްވައިފައެވެ.
އިންޑިއާ - ޕާކިސްތާން މައްސަލާގައި އިންޑިއާގެ ކަންބޮޑުވުންތައް އެކްސްޓާނަލް އެފެއާޒް މިނިސްޓަރު ސުޝްމާ ވަނީ ޚާރިޖީ ވަޒީރު ޝާހިދާ ހިއްސާ ކުރައްވައިފައެވެ. މި މައްސަލާގައި ރާއްޖެއިން ދެކޭގޮތް ބަޔާންކޮށް ޚާރިޖީ ވުޒާރާއިން ވަނީ ބަޔާނެއްވެސް ނެރެފައެވެ.
އެ ބަޔާނުގައި ވަނީ ދެ ގައުމުން ވާހަކަ ދައްކައިގެން މައްސަލަ ހައްލުކުރުމަށް ގޮވާލައިފައެވެ.