25 Feb 2019, 09:36
އައްޑޫ ސިޓީ ހިތަދޫގައި އިންޑިއާ ފިރިހެނަކަށް ތޫނު އެއްޗަކުން ހަމަލާދީ ޒަހަމްކޮށްލައިފިއެވެ.
ފުލުހުން ބުނީ އެ ހާދިސާގެ މައުލޫމާތު ފުލުހުންނަށް ލިބުނީ ރޭ ފަތިހު 04:00 ގައި ކަމަށެވެ. އެ މީހާއަށް ހަމަލާ ދީފައިވަނީ ހިތަދޫ ބޮޑު މަގުން ބައިސްކަލެއްގައި ދަނިކޮށް ކަމަށް ފުލުހުން ބުންޏެވެ.
ޒަހަމްވި އިންޑިއާ މީހާއަށް ހިތަދޫ ރީޖަނަލް ހޮސްޕިޓަލުގައި ފަރުވާދެމުން އަންނަ ކަމަށާއި އޭނާ އަށް ހަމަލާދީފައިވަނީ މޫނު މައްޗަށް ކަމަށްވެސް ފުލުހުން ބުންޏެވެ.
ޒަހަމްވި މީހާގެ ހާލު މިހާރު ސްޓޭބަލް ކަމަށް ފުލުހުން ބުނެއެވެ.