13 Feb 2019, 12:56
އަންހެނުން ކަސްރަތަށް ހޭލުންތެރި ކުރުވައި ކަސްރަތުގެ މުހިންމުކަން އަންގައި ދިނުމަށް އަންހެނުންނަށް ހާއްސަކޮށްގެން ޓީއެފްޖީ އިން "ރަނިން ރަން"ގައި ބައިވެރިވާ އަންހެނުންނަށް ހިލޭ ޓްރެއިނިން ދިނުމަށް ޓީއެފްޖީން ނިންމައިފި އެވެ.
ޓީއެފްޖީން ބުނީ އެ ޓްރެއިނިންގައި ބައިވެރިވާ އަންހެނުންނަށް ޓްރެއިނިން ދިނުން ކުރިއަށްދާނީ ކޮންމެ ހަފްތާއެއްގެ ހޯމަ، އަންގާރަ، ބުދަ އަދި ހޮނިހިރު ދުވަހު ކަމަށެވެ.
އެ ދުވަސްތަކުގެ ހަވީރު 17:00، 18:15 އަދި 19:30ގައި އެކުވެނި ޓްރެކްގައި ޓްރެއިނިން އިންސްޓްރަކްޓާ އެކު ކުރިއަށްދާނެ ކަމަށް ވެސް ޓީއެފްޖީން ބުންޏެވެ.
އަދި ހުކުރު ދުވަހުގެ ހެނދުނު 5:30ގައި ވެސް ޓްރެއިނިން ދިނުމަށް ނިންމާފައިވާ ކަމަށް ވެސް ޓީއެފްޖީން ބުންޏެވެ.
"މިތަނުން ފަސޭހަ ގަޑިއެއްގައި ހަމަ އަންނަންވީ. ޓީއެފްޖީގެ ޓްރެއިނާސް ތިބޭނެ މި ގަޑިތަކުގައި އެތަނުގައި."
ކެއާ ސޮސައިޓީގެ ކުދިން--
މާޗު އެކެއްގައި ބާއްވާ ރަނިން ރަންގެ ޓައިޓްލް ސްޕޮންސާއަކަށް ހަމަ ޖައްސާފައި ވަނީ ކެއާ ސޮސައިޓީ އެވެ.
ދުވުންތެރިން ދުވުމަށް ރެޖިސްޓްރީވާން ދައްކާ ފީއިން 20 ޕަސެންޓް ކެއާ ސޮސައިޓީއަށް ހަދިޔާ ކުރާނެ އެވެ. އަދި ޓީޝާޓު ވިއްކައިގެން ލިބޭ ރުފިޔާގެ 26 ޕަސެންޓް ކެއާ ސޮސައިޓީއަށް ހަދިޔާ ކުރާނެ އެވެ.
'ރަނިން ނަން' ނަން އެ ރަން އަށް ދެވުނީ އަންހެނުންނަށް ނިސްބަތްކޮށް ރަނިން ބޭނުންކޮށްގެން ކަމަށް ޓީއެފްޖީ އިން ބުނެ އެވެ. އަދި އެ ރަންގެ ހުރިހާ ކަމެއްގައި އުޅޭނީ އަންހެނުން ކަމަށް ޓީއެފްޖީ އިން ބުންޏެވެ.
އަންހެނުން ދުވަހާ ގުޅިގެން ޓީއެފްޗީގެ ދުވުން މާޗުގައި--
ރަނިން ރަން އޮންނަނީ އެކެއް މާޗު ވަނަ ދުވަހު ހުޅުމާލޭގަ އެވެ. މިހާރު ރެޖިސްޓްރޭޝަނަށް ވަނީހުޅުވާލާފަ އެވެ. ދުވުމުގައި ޖުމްލަ ރެޖިސްޓްރީ ކޮށްދެނީ 1000 ފަރާތެވެ. ރަނިންރަންގެ އޮންލައިން މީޑިއާ ޕާޓްނަރަކީ ސަން އޮންލައިން އެވެ.