13 Feb 2019, 08:41

ބޮލީވުޑްގެ ކާމިޔާބު ފިލްމު ސިލްސިލާ "ބާގީ" ގެ ތިން ވަނަ ފިލްމުން ޝްރައްދާ ކަޕޫރަށް ފުރުސަތު ލިބިއްޖެއެވެ.

މީގެ ޕްރޮޑިއުސަރު ސާޖިދު ނަދިއަދްވާލާގެ ފިލްމު ކުންފުނި ނަދިއަދްވާލާ ގްރޭންޑް ސަން އިން ކުރި ޓްވީޓުގައް ބުނީ ބާގީގެ ތިން ވަނަ ފްރެންޗައިޒަށް ޝްރައްދާ މިހާރު ސޮއިވެސް ކޮށްފައިވާ ކަމަށެވެ.

އެ ފިލްމުގެ އެއްވަނަ ބައިން ޝްރައްދާ ފެނުނު ނަމަވެސް ދެވަނަ ބައިން ޓައިގާ ޝްރޮފް އާއެކު ފެނުނީ އޭނާގެ ލޯބިވެރިޔާ ދިޝާ ޕަޓާނީ އެވެ. ނަމަވެސް ތިންވަނަ ސީކުއަލްގައި ޝްރައްދާ ފެނިގެންދާނެ ކަން މިއޮތީ ޔަގީންވެފައެވެ.

"ބާގީ3" ޑައިރެކްޓްކުރަނީ އަހްމަދު ހާން އެވެ.

އެ ފިލްމުގައި ސާރާ އަލީ ހާން ވެސް ފެނިގެންދާނެ ކަމަށް އަޑުފެތުރުނު ނަމަވެސް އެ ފިލްމުގައި މަސައްކަތް ކުރަން ލިބުނީ ޝްރައްދާއަށެވެ.

ފިލްމުގެ ޝޫޓިންގެ ފަހު ތައްޔާރީތައް ވަމުން އަންނައިރު އެ ފިލްމު ޕްރިމިއާކުރާނީ 2020 ވަނަ އަހަރުގެ މާޗް ހައެއްގައެވެ.