26 Jan 2019, 11:36
އެމެރިކާއަށް ކުރެއްވި ދަތުރުފުޅުގައި އެގައުމާއި އެހެން ގިނަ ގައުމަކެއްގެ ސަފީރުންނާއި މަންދޫބުންނާ ބައްދަލުކުރެއްވުމަށްފަހު ފޮރިން މިނިސްޓަރު އަބްދުﷲ ޝާހިދު މިއަދު ހެނދުނު އިނގިރޭސިވިލާތަށް ފުރާވަޑައިގެންފިއެވެ.
ޝާހިދުގެ އެމެރިކާ ދަތުރުފުޅުގައި އެންމެ ފުރަތަމަ ވަޑައިގަތީ ވޮޝިންގްޓަނަށެވެ. އަދި އެމެރިކާ ސަރުކާރުގެ ބައެއް އިދާރާތަކުގެ ވެރީންނާ ބައްދަލުކުރެއްވިއެވެ.
އެއަށްފަހު އޭނާ ނިއުޔޯކަށް ވަޑައިގެން، ރޭ ވަނީ އދގެ ސަލާމަތީ މަޖިލީހުގައި ކުރިއަށް ދިޔަ މޫސުމަށް އަންނަ ބަދަލުތަކާ ބެހޭ ބަހުސްގައި ތަގުރީރުކުރައްވާފައެވެ.
ޝާހިދު މިއަދު ހެނދުނު ވަނީ އެމެރިކާ ދޫކުރައްވައި، އިނގިރޭސިވިލާތަށް ފުރާވަޑައިގެންފައެވެ.
Departing New York to London shortly. Had several productive meetings at the UN, engaging with FMs, PRs, and very good discussions with the UNSG and other officials at the UN. I hope that this is the beginning of an elevated level of engagements of the Maldives at the UN.
— Abdulla Shahid ???? (@abdulla_shahid)January 26, 2019
ނަމަވެސް ފުރާވަޑައިގަތުމުގެ ކުރިން ޝާހިދު ވަނީ ނިއުޔޯކްގައި ތިއްބަވާ އދގެ އިސްވެރިންނާއި ގައުމުތަކުގެ ފޮރިން މިނިސްޓަރުންނާއި މަންދޫބުންނާ މިއަދު ބައްދަލުކުރައްވާފައެވެ.
އެގޮތުން މިއަދު ހެނދުނު ޝާހިދު، އދގެ ސެކްރެޓަރީ ޖެނެރަލް އެންޓޯނިއޯ ގުޓެރޭޒްއާ ބައްދަލުކުރެއްވިއެވެ.
It was a pleasure meeting with Mr. Amrit Rohan Perera, PR of Sri Lanka, our close neighbor and good friend. Looking forward to continuing our excellent cooperation on issues of mutual concern.@SLUNNewYorkpic.twitter.com/FT8u5cji78
— Abdulla Shahid ???? (@abdulla_shahid)January 26, 2019
"ދެމެހެއްޓެނިވި ތަރައްގީއާއި މޫސުމަށް އަންނަ ބަދަލުތަކުގެ ދާއިރާއިން ރާއްޖެއިން ކުރަމުން އަންނަ މަސައްކަތް ދަމަހައްޓައި، ސެކްރެޓަރީ ޖެނެރަލަށް އެއްބާރުލުން ދޭނެކަމުގެ ޔަގީންކަން އެރުވިން،" ފޮރިން މިނިސްޓަރު ކުރެއްވި ޓްވީޓެއްގައި ވިދާޅުވިއެވެ.
މީގެ އިތުރުން ޝާހިދު ވަނީ އދގެ އެސިސްޓަންޓް ސެެކްރެޓަރީ ޖެނެރަލް އޮން ޕޮލިޓިކަލް އެފެއާޒް މިރޯސްލަވް ޔެންޗާއާ ބައްދަލުކުރައްވައި، ރާއްޖޭގއި ޑިމޮކްރަސީ ހަރުދަނާކޮށް އަދި މުއައްސަސާތައް ވަރުގަދަކުރުމަށް ޔެންޗާ ކޮށްދެއްވާ މަސައްކަތްޕުޅަށް ޝުކުރު އަދާކުރައްވާފައެވެ. އަދި އދގެ އަންޑަސެކްރެޓަރީ ޖެނެރަލް އަދި ހައި ރެޕްރެޒެންޓޭޓިވް ފޮރ ލީސްޓް ޑިވެލޮޕްޓް ކަންޓްރީޒް، ލޭންޑްލޮކްޑް ޑިވެލޮޕިންގް ކަންޓްރީސް އަދި ސްމޯލް އައިލެންޑް ޑިވެލޮޕިންގް ކަންޓްރީޒް ފެކީޓާ އުޓޮއިކަމާނޫއާވެސް ބައްދަލުކުރައްވައި، ދެމެހެއްޓެނެވި ތަރައްގީއާ ބެހޭ މަޝްވަރާތައް ކުރެއްވިއެވެ.
Great to meet the Deputy Foreign Minister of#NorwayMr. Jens Frølich Holte (@jensfh) in New York. Discussed the importance of working together on issues such as climate change and oceans.@NorwayMFApic.twitter.com/8NASJYLArN
— Abdulla Shahid ???? (@abdulla_shahid)January 25, 2019
އަދި އިންޑޮނޭޝިއާގެ ފޮރިން މިނިސްޓަރު ރެޓްނޯ މަރްސޫދީއާއި ނޯވޭގެ ޑެޕިއުޓީ ފޮރިން މިނިސްޓަރު ޔެންސް ފްރޮލިކް ހޯލްތައާ ބައްދަލުކުރައްވައި، މޫސުމަށް އަންނަ ބަދަލުތަކާއި އެހެން ދާއިރާތަކުން ގުޅިގެން މަސައްކަތްކުރުމާ ބެހޭގޮތުން މަޝްވަރާކުރެއްވިއެވެ.
މިނިސްޓަރު ބައްދަލުކުރެއްވި އެހެން ބޭފުޅުންގެ ތެރޭގައި އދގައި ހުންނަވާ މޮރިޝަސްގެ މަންދޫބު ޖަގްދީޝް ދަރަމްޗާންދު ކުމްޖުލް، އިކުއަޓޯރިއަލް ގިނީގެ މަންދޫބު އަނަޓޯލިއޯ ންޑޮންގް މްބާ، ބްރެޒިލްގެ މަންދޫބު މައުރޯ ވިއެރިއާ، ބެލީޒްގެ މަންދޫބު ލޮއިސް މިޝޭލް އަދި ސްރީލަންކާގެ މަންދޫބު އަމިތު ރޯހަން ޕެރޭރާ ހިމެނެއެވެ.