24 Jan 2019, 16:32
ޓްރެފިކް ގަވާއިދާ ހިލާފުވެގެން މި މަހުގެ މިހާތަނަށް 2000 ވަރަކަށް މީހުން ޖޫރިމަނާކޮށްފައިވާ ކަމަށް އެކްޓިން ޕޮލިސް ކޮމިޝަނަރު މުހައްމަދު ހަމީދު ވިދާޅުވެއްޖެ އެވެ.
ޓްވިޓާގައި މީހަކުކުރި ޓްވީޓަކަށް ޖަވާބުދެމުން ހަމީދު ވިދާޅުވީ މި މަހުގެ މިހާތަނަށް 1895 މީހުން ޖޫރިމަނާކޮށްފައިވާ ކަމަށެވެ.
"ޕާކްކުރުން ފިޔަވައި އެހެން ކުށްތަކަށް މީހުން ވަނީ ޖޫރިމަނާކޮށްފައި. ހެދިފައިވާ ގަވާއިދާ ހިލާފަށް ވުރެ ބާރަަށް ދުއްވާ ދެ މީހަކު ހިމެނޭ. އަދި 130 މީހަކު ހުއްޓުވާފައިވޭ،"
ބުރިޖުގައި އަންނަނީ ގިނަ އަދަދެއްގެ އެކްސިޑެންޓް ހިނގަމުންނެވެ. ފުލުހުން މިހާރު މަސައްކަތްކުރަނީ ބުރިޖުގައި ކެމެރާ ހަރުކުރުމަށެވެ.
An alarming stat!
Despite the sharp increase in injuries and deaths caused by speeding,
The Maldives police have not stopped, questioned or fined even ONE individual for violating established speed limits!
????????????— Huzam (@Huzam)January 23, 2019
ސިނަމާލެ ބުރިޖުގައި ހަރުކުރާ ކެމެރާއިން، އެތަނުގައި ދުއްވާ އުޅަނދުތަކުގެ ސްޕީޑް ބެލޭނެ ކަމަށް ފުލުހުން ބުނެފައިވެ އެވެ.
ހައިވޭ އަދި ބްރިޖުގައި ގިނަ އަދަދެއްގެ އެކްސިޑެންޓް ހިނގައި މީހުންނަށް ދަނީ ގެއްލުން ވަމުންނެވެ. އަދި އެކްސިޑެންޓްތައް ގިނަވަމުންދާތީވެ، އެކަން ހުއްޓުމަށް އެދި އާންމުންގެ ގިނަ ބަޔަކު ދަނީ ވަރަށް ބޮޑަށް ގޮވާލަމުންނެވެ. އެކްސިޑެންޓްތަކުގައި ލިބޭ ގެއްލުންތައް ކުޑަކުރުމުގެ ގޮތުން މާޗު 10 އަކުން ފެށިގެން ބްރިޖުގައި ދުއްވޭނީ ހެލްމެޓް އަޅައިގެން ކަމަށް ވެސް ޓްރާންސްޕޯޓް މިނިސްޓްރީން ވަނީ ކަނޑައަޅައިފަ އެވެ.