23 Jan 2019, 16:22
ދުނިޔޭގެ ތިން ގައުމެއްގައި ކުރިއަށްދާ ޓޫރިޒަމް ފެއާތަކެއްގައި ދިވެހިރާއްޖެއިން ބައިވެރިވަމުން އެބަދެ އެވެ.
މޯލްޑިވްސް މާކެޓިންގް އެންޑް ޕީއާރު ކޯޕަރޭޝަން (އެމްއެމްޕީއާރުސީ)އިން ހާމަކޮށްފައިވާ ގޮތުގައި، މިވަގުތު އެ ކޯޕަރޭޝަންގެ ޓީމުތަކުން ހަރަކާތްތެރިވަމުން ދަނީ ޖަރުމަނު ވިލާތާއި ސްޕެއިންގެ އިތުރުން އިންޑިއާގައި ކުރިއަށްދާ ފެއާތަކެއްގަ އެވެ.
އެމްއެމްޕީއާރުސީން ބުނި ގޮތުގައި އެކުންފުނިން ދަނީ ޖަރުމަނުގެ ޑުސެލްޑޯފްގައި މި މަހުގެ 19 އިން 27 އަށް ކުރިއަށްދާ ބައިނަލްއަގުވާމީ ބޯޓް ޝޯ (ބޫޓް ފެއާ)ގައި ބައިވެރިވަމުންނެވެ. އެމްއެމްޕީއާރުސީއާ އެކު ދިވެހި ފަސް ކުންފުންޏަކުން ދަނީ ބޫޓް ފެއާގައި ބައިވެރިވަމުންނެވެ.
It's another happening day at the Maldives Stand of boot Düsseldorf 2019. Drop by Hall 3—Stand C85 to experience the best dive destination in the world! ????????????@nonstopboot#bootDüsseldorf#boot2019#Maldives#VisitMaldives#ColourfulSideofLifepic.twitter.com/ameX3a8RG1
— Visit Maldives (@visitmaldives)January 22, 2019
އެ ފެއާގައި ރާއްޖެ ޕްރޮމޯޓުކުރަމުން ދަނީ ޑައިވް ޑެސްޓިނޭޝަނެއްގެ ގޮތުގަ އެވެ. އެގޮތުން ރާއްޖޭގެ ކަނޑުއަޑީގެ މަންޒަރުތައް ވާޗުއަލް ރިއަލިޓީ މެދުވެރިކޮށް ބަލާލުމުގެ ފުރުސަތު ދަނީ ދެމުންނެވެ.
އިންޑިއާގެ މުމްބާއީގައި މިއަދު ފެށި އޯޓީއެމް އިންޑިއާ ފެއާގައި ވެސް އެމްއެމްޕީއާރުސީން ވަނީ ބައިވެރިވެފަ އެވެ. އޯޓީއެމް އިންޑިއާއަކީ އޭޝިއާ ޕެސިފިކް ސަރަހައްދުގެ އެންމެ ބޮޑު ޓްރެވަލް ޝޯ އެވެ. އޯޓީއެމް އިންޑިއާ ފެއާ ފެށުމުގެ ރަސްމިއްޔާތުގައި އެމްއެމްޕީއާރުސީގެ މެނޭޖިންގް ޑިރެކްޓަރު ތޮއްޔިބު މުހައްމަދު ވަނީ ވާހަކަ ވެސް ދައްކަވައިފަ އެވެ.
OTM India, the Leading Travel Show in Asia-Pacific has just opened its doors! Visit us at Stand C350 from 23rd to 25th January 2019 to witness the beauty and uniqueness of the sunny side of life! ☀️????????@OTMIndia#TTFOTM#OTM2019#Maldives#VisitMaldives#SunnySideofLifepic.twitter.com/vxCTIzZ6JY
— Visit Maldives (@visitmaldives)January 23, 2019
އޯޓީއެމް އިންޑިއާ ފެއާ ކުރިއަށް ދާނީ މިއަދުން ފެށިގެން މި މަހުގެ 25 ވަނަ ދުވަހުގެ ނިޔަލަށެވެ.
Maldives ready for the first day of@fitur_madrid2019 with 21 industry partners at the Asia Pacific Hall 6d12. We look forward to a fruitful day at our stand!#FITUR2019#Maldives#VisitMaldives#SunnySideofLifepic.twitter.com/KYZZlBbyoD
— Visit Maldives (@visitmaldives)January 23, 2019
މީގެ އިތުރުން ސްޕެއިންގެ ވެރިރަށް މެޑްރިޑްގައި މިއަދު ފެށި ބައިނަލްއަގުވާމީ ޓޫރިޒަމް ފެއާ "ފިތޫރް 2019"ގައި ވެސް އެމްއެމްޕީއާރުސީން ދަނީ 21 ކުންފުންޏަކާއެކު ރާއްޖެ އިޝްތިހާރުކުރުމުގެ މަސައްކަތް ކުރަމުންނެވެ.
މިއަދު ފެށި ފިތޫރް 2019 ފެއާއަށް ސްޕެއިންގެ ރަސްގެފާނު ފެލީޕޭ ހަވަނަ ވެސް ޒިޔާރަތްކުރައްވައި، އެ ފެއާ ބައްލަވައިލެއްވި އެވެ.
ފިތޫރު 2019 ކުރިއަށްދާނީ މިއަދުން ފެށިގެން މި މަހުގެ 27 ވަނަ ދުވަހުގެ ނިޔަލަށެވެ.