08 Jan 2019, 16:53
ސިއްހީ ހިދުމަތްތަކުގެ ފެންވަރު ރަނގަޅުކޮށް، ކުއްލި ފަރުވާ ވީހާވެސް ފަސޭހައިން ފޯރުކޮށްދިނުމަށް އެހީތެރިވުމުގެ ގޮތުން ގައުމީ އެމްބިއުލެންސްގެ ހިދުމަތް ތައާރަފްކުރަން ނިންމައިފިއެވެ.
ޓެކްސީ ޑްރައިވަރުންނަށް އަމާޒުކޮށް ހިންގާ ފަސްޓްރެސްޕޮންޑާރ ޓްރެއިނިންގް ޕްރޮގްރާމް ފެށުމަށް މިއަދު ސްޓެލްކޯގައި ބޭއްވި ރަސްމިއްޔާތުގައި ވާހަކަ ދައްކަވަމުން ހެލްތު މިނިސްޓަރު އަބްދުﷲ އަމީން ވިދާޅުވީ ސިއްހީ ހިދުމަތްތަކުގެ ފެންވަރު ރަނގަޅުކުރަން ޖެހޭ އިރު އެމްބިއުލެންސްގެ ހިދުމަތްވެސް ރަނގަޅުކުރަން ޖެހޭ ކަަމަށެވެ.
" ހާއްސަކޮށް މާލޭ ސަރަަހައްދުގައި އަދި ރާއްޖޭގެ އާބާދީ ބޮޑު އަދި ދިގު މަގުތައް ހުރި ސަރަހައްދުތަކުގައިވެސް މިކަމަށް ވަރަށް ބޮޑު އިސްކަމެއް ދޭނެ ޖެހިފައިވަނީ. ސަރުކާރުގެ މިހާރުގެ ވިސްނުމެއް ގައުމީ އެމްބިއުލެންސްގެ ހިދުމަތްތަކެއް ތައާރަފްކޮށް ހިދުމަތުގެ ތެރެއިން އެމްބިއުލެންސްގެ ހިދުމަތް ފޯރުކޮށްދިނުމަށް،" އަމީން ވިދާޅުވިއެވެ.
އަދި އެ ހިދުމަތުގައި އުޅޭ ފަރާތްތަކަށް މަތީ ތަމްރީން ދީ އަދި ކަނޑުމަގުން ދެވޭ ހިދުމަތާއި އެއްގަމާއި ވައިގެ ހިދުމަތް އޭގެ ތެރެއިން ގެނައުމަށް ސަރުކާރުން ވަރަށް ބޮޑަށް މަސައްކަތް ކުރަމުންދާ ކަމަށްވެސް މިނިސްޓަރު ވިދާޅުވިއެވެ.
މިނިސްޓަރު ވިދާޅުވީ މިހާރު ދެމުންގެންދާ ސީ އެމްބިއުލެންސްގެ ހިދުމަތުގެ ސްޕީޑާއައި އަދި އެހެނިހެން ވަސީލަތްތައްވެސް ތަރައްގީކުރަން ޖެހިފައިވާ ކަމަށެވެ.
މިހާރުވެސް އެއްގަމާއި ވައި އަދި ކަނޑުގެ މަގުންވެސް އެމްބިއުލެންސްގެ ހިދުމަތް ދަނީ ދެމުންނެވެ. ނަަމަވެސް އެ ހިދުމަތްތައް ދެނީ ވަކިވަކިންނެވެ.
" ރާއްޖޭގެ ކޮންމެ ތަނަަކުން ހިދުމަތް ހޯދަން ބޭނުންވިޔަސް އެއް ނަންބަރަކަށް ގުޅައިގެން އެއް ނަންބަރަކަށް ގުޅައިގެން އެއީ ނެޝެނަލް އެމްބިއުލެންސްގެ ސާވިސް ދިނުމަކީ. ދެން އެމްބިއުލެންސްތައް މެނޭޖުކުރުމާއި މެއިންޓެނެންސްއާ ޓްރެއިނިންއާ މީހުން ތަމްރީން ކުރުމާ ވަސީލަތްތައް ދަނީ ނެޝެނަލް އެމްބިއުލެންސްގެ ތެރެއިން" އަމީން ވިދާޅުވިއެވެ.