23 Dec 2018, 16:07
ސްޓާޕްލަސް އިން ދައްކަމުން އަންނަ ޓީވީ ސިލްސިލާ "އިޝްގްބާޒް" ގެ ތަރި ކުނާލް ޖެއިސިންގް އޭނާގެ ލޯބިވެރިޔާ އަދި ޓީވީ އެކްޓަރެސް ބާރްތީ ކުމާރާ ކައިވެނިކޮށްފިއެވެ.
އެ ދެ ފަންނާނުން ކައިވެނިކުރީ މި މަހުގެ ވިހި ވަނަ ދުވަހު މުމްބާއީގައެވެ. އެ ކައިވެނީގެ ހަފްލާގައި ދެފަރާތުގެ އާއިލާގެ އިތުރުން ގާތް އެކުވެރިން ބައިވެރިވިއެވެ.
ކުނާލް އާއި ބާރްތީ ގެ ކައިވެންޏަށް ގިނަ ފަންނާނުންނާއި ރަހުމަތްތެރިން މަރުހަބާ ކިޔަމުން އަންނައިރު އިންޑަސްޓްރީގެ ފަންނާނުންނަށް ވަނީ ރިސެޕްޝަން ޕާޓީއެއް ވެސް ބާއްވާފައެވެ.
އެ ދެތަރިންގެ ކައިވެނީގެ ބައެއް ފޮޓޯތައް މިހާރު ވަނީ ސޯޝަލް މީޑިއާގައި އާންމުވެފައެވެ.
ކުނާލް އާއި ބާރްތީ ރަސްމީކޮށް އެންގޭޖްވީ މި އަހަރުގެ ކުރީ ކޮޅުގައެވެ.
އެ ދެ ފަންނާނުން އެކުގައި ފެނިގެންދިޔަ ޑްރާމާ ސީރީޒް އަކީ 'ދަ ބަޅީ ޕްރޮޖެކްޓު' އެވެ.